विराटनगर,पुष २७ । विराट टेक्निकल म्यानेजमेन्ट इन्स्टिच्युट प्रा. लि.ले विराटनगर १२ स्थीत बखरी आधारभुत बिद्यलयमा महिला तथा बालबालिकाहरुलाई क्षमता विकास तालिम संचालन गरेकाे छ । विराटनगर वडा नं १२ को सहयोगमा पुष २६ गते देखि शुरु भएकाे उक्त तालिम ३ दिनसम्म चेल्नेछ ।
विराट टेक्निकल म्यानेजमेन्ट इन्स्टिच्युट प्रा. लि का प्रबन्धक जगनाथ रायका अनुसार ३ दिने क्षमता विकास तालिमको मुख्य उदेश्य समाजमा हुने महिला तथा बालबालिका हिंसालाई न्युनीकरण गर्ने रहेकाे छ । हिंसा गर्ने वा गराउन उकास्नेलाई कानुनी दायरामा ल्याउने र तालिमको माध्यमवाट महिला शसक्तिकरण गर्ने ध्यय समेत रहेकाे छ । बालबिवाह, बालश्रम, बालयौन हिंसा जस्ता सामाजमा रहेको विद्यामान समस्यालाई हुनै नदिनका निम्ती महिला तथा बालबालिकालाई तालिमको माध्यमबाट जागरुक गराउने समेत उदेश्य रहेको रायले बताए । तालिम प्रभावकारीतको बारेमा प्रवन्धक राय भन्छन्, “बालबालिको उत्साहजनक सहभागी र प्रशिक्षणको क्रममा जुन वालवालिकाहरुले आफ्नो क्षमता र प्रतिभा देखाउँदै हुनुहुन्छ , त्यसलाई हेर्दा ८० प्रतिशत कार्यक्रम प्रभावकारी भएको छ।” साथै समुदायले पनि यस्ता तालिमको बिषयमा सकरात्मक प्रतिक्रिया दिएको उनी बताउँछन् ।
यस तालिमका प्रशिक्षक दिपक कुमार खड्काको अनुसार कार्यक्रमको पहिलो दिन घरेलु हिंसा र लागुपदार्थ दुर्व्यासनी वारेमा सहभागीहरुलाई जानकारी तथा सचेत गराइएको थियो । तालिमका दोस्रो दिन विवाह सम्बन्धी अपराधहरु वहुविवाह, वालविवाह, जवरजस्ती विवाह र ढाटी विवाह र महिला हिंसाको कारण,असर र समधानको बारेमा प्रशिक्षण गराइएको छ । कार्यक्रमको अन्तिम दिन बाल अधिकार, मानव बेचबिखन ओसार पसार र यसको न्युनिकरण वारे प्रशिक्षण गराइने खड्काले जानकारी दिएका छन् तालिमलाई प्रभाकारी वनाउनका लागि प्रशिक्षणको बिषयवस्तुमा आधारित भिडियो देखाउने, सामुहिक कार्य गर्ने, तालिममा पश्न उत्तर गर्ने र समुह वनाएर छलफल गरी टिमलिडरले त्यसलाई प्रस्तुत गर्ने गरेका कुरा प्रशिक्षक खड्काले बताए ।
साे तालिमलाई वडा नं. १२ का वडा अध्यक्ष हिरालाल कामतले सहजीकरण गर्नुको साथै दैनिक सुपरीवेक्षण गर्दै आएका छन् । बालबालिकाले तालिम अवधीमा सिकेका कुराहरुलाई तालिमको अन्तिममा सोध्नुका साथै उनीहरुसँग कामतले छलफल गर्ने गरेका छन् । बालबालिकासँग घुलमिल हुने हुदाँ बालबालिकाहरु पनि आफ्नो मनमा लागेका कुरा वडा अध्यक्षसँग निर्धक्क वताउने गरेका छन् । सार्वजानिक विदाको दिनपनि वडा अध्यक्ष कामत तालिमको जानकारी लिन तालिम भइरहेको स्थान बखरी आधारभुत बिद्यालय पुग्ने गरेका छन् ।
विराट टेक्निकल म्यानेजमेन्ट इन्स्टिच्युट प्रा. लि. ले संचालन गरेको क्षमता विकास तालिममा बखरी आधारभुत विद्यालय, जनता आधारभुत विद्यालय र जनता बालकल्याण आधारभुत बिद्यालयका ३५ जना बालबालिका सहभागी भएको बखरी आधारभुत विद्यालयका प्रधानध्यापक गोविन्द गजुरेलले बताए ।
आर्थिक वर्ष ७९/८० मा देखि कम्पनीको रुपमा दर्ता भएर संचालनमा आएको विराट टेक्निकल म्यानेजमेन्ट इन्स्टिच्युट प्रा. लि. ले स्थानिय सरकारहरुसँग समन्वय गरेर समाजमा भएको बेरोजगार जस्तो समस्याको समधान गर्न युवालहरुलाई सीप सिकाउने र आत्मनिर्भर बनाउने लोककल्याणकारी काम गर्दै आएको छ ।
