०६ मंसिर २०८३, शनिबार
21-11-2026 , Sat
Gold Silver Price (Mangsir 1, 2083, TUE)
Fine Gold 1 Tola NRs. 267500
Silver 1 Tola Nrs. 3505

हुर्रा नाचेर विराटनगरमा मगर समुदायले मनाए माघे संक्रान्ति

Logo
संवाददाता जनचर्चा

विराटनगर, माघ १ । नेपाल मगर संघ विराटनगरले शिक्षामा जोड दिंदै हुर्रा नाचेर माघे संक्रान्ति पर्व मनाएको छ । सोमबार डिग्री क्याम्पस विराटनगरको विज्ञानखण्डमा आयोजित कार्यक्रममा आफ्नो जातीय पोशाकमा सजिएका मगर समुदायका सदस्यहरुले मौलिक नृत्य हुर्रा नाच्दै, सेलरोटी, तरुल, तीलको लड्डु खाएर माघे संक्रान्ति मनाएका हुन् ।
सो अवसरमा मगर समुदायको पहिचान, सम्मान र शिक्षाको विकासमा महत्वपूर्ण योगदान गरेको भन्दै डिग्री क्याम्पस विराटनगरका प्रमुख ढकबहादुर खपाङ्गी मगरलाई सम्मान गरिएको थियो । कार्यक्रममा बोल्दै आयोजक नेपाल मगर संघ विराटनगर महानगर समितिका पूर्व अध्यक्ष शेरबहादुर थापा मगरले आफ्नो पोशाक लगाएर, हुर्रा नाचेर मात्र मगर समुदाय अगाडि नबढ्ने बताउँदै यसका लागि शिक्षा अझ बढी जरुरी रहेको बताए ।
डिग्री क्याम्पस विराटनगरका प्रमुख ढकबहादुर खपाङ्गी मगरले राजनीतिक र आर्थिक रुपमा मगर समुदाय सबल हुनुपर्नेमा जोड दिए । कार्यक्रममा नगर अध्यक्ष कुवेर त्रोकछाकी मगर, मेहेन्द्र माेरङ्ग बहुमुखी क्यापसका प्रध्यापक एवं पत्रकार विजय खतिजडा, सचिव ममता पुलामी, कोशी प्रदेश अध्यक्ष तेजकुमार आले, सदस्य चीनकाजी थापा मगर, तमु छोज झी मोरङका अध्यक्ष जंग घले गुरुङ लगायतले शुभकामना व्यक्त गरेका थिए ।

नेपाल मगर संघ विराटनगर समितिको आह्वानमा माघे संक्रान्ति पर्व १५ वर्षदेखि निरन्तर मनाउँदै आएको छ । मिनाम्ल्हेस पर्व ५०१७ नयाँ वर्षको रुपमा माघे संक्रान्ति मनाइएको नगर अध्यक्ष मगरले बताए । शिक्षा, संगठन, संघर्ष र समृद्धि चार ‘स’ को मुल नारा लिएर नेपाल मगर संघ विराटनगर महानगर समिति अगाडि बढिरहेको जनाइएको छ । कार्यक्रममा मेघराज, चन्द्र, स्वस्तिका, रमिता, सविना मगरलगायत कलाकारले विशेष सांस्कृतिक प्रस्तुती गरेका थिए ।

कमेन्ट गर्नुहोस्
सम्बन्धित

१ मंसिर, काठमाडौं । प्रहरी महानिरीक्षकको जिम्मेवारीबाट हटाइएका दानबहादुर कार्कीले सर्वोच्च अदालतमा दायर गरेको रिट निवेदनमाथि बुधबार प्रारम्भिक सुनुवाइ हुने भएको छ । कार्कीले २० कात्तिकमा निवेदन दर्ता गरेका थिए । अदालतले तिहार बिदापछि ३० कात्तिकका लागि सुनुवाइको मिति तोकेको भए पनि सरकारले सोही दिन छठको सार्वजनिक बिदा दिएकाले मुद्दा स्वतः सरेको थियो । तिहार […]

काठमाडाै‌, कार्तिक २४ ।  नेपाल संवत् ११४७ आज देशभर विविध कार्यक्रमसहित मनाइँदै छ। नेवार समुदायले यस दिनलाई नयाँ वर्षका रूपमा मनाउँदै म्हः (आत्म) पूजा पनि गरिरहेका छन्। काठमाडौंको वसन्तपुरमा नेवार समुदायका मानिस भेला भई बाजागाजासहित पर्व मनाएका छन्। इतिहासअनुसार राष्ट्रिय विभूति शङ्खधर साख्वाले विसं ९३७ (इसं ८८०) मा गरिब जनताको ऋण मोचन गरेपछि नेपाल संवत् […]

काठमाडाै‌, कार्तिक २४ । राष्ट्रिय स्वतन्त्र पार्टी (रास्वपा) का उपसभापति तथा अर्थमन्त्री डा. स्वर्णिम वाग्ले अमेरिकी पत्रिका टाइमको १०० प्रभावशाली व्यक्तिको सूचीमा परेपछि पार्टीले उनलाई बधाई दिएको छ। महामन्त्री विपिनकुमार आचार्यले जारी गरेको विज्ञप्तिमा जलवायु वित्त परिचालन, स्रोत व्यवस्थापन र अन्तर्राष्ट्रिय प्रणालीगत सुधारमा वाग्लेले देखाएको नेतृत्वलाई नेपालका लागि महत्त्वपूर्ण भनिएको छ। विज्ञप्तिअनुसार रसुवा/भोटेकोशी बाढीपछि वाग्लेको […]