काठमाडौं, भाद्र १६
निर्वाचन आयोगले आगामी मंसिर १४ गते हुन लागेको उपनिर्वाचनको लागी दल दर्ता गराउन आह्वान गरेको छ । आयोगले सोमबार सूचना जारी गर्दै नयाँ दललाई दर्ता हुन आह्वान गरेको हो। दल दर्ताका लागी आयोगले भदौ मसान्तसम्मको समय दिएको छ । यो अवधिमा निर्वाचनमा सहभागी हुन चाहने दलले लेखा परीक्षण लगायतका आवश्यक कागजात पेस गरेर दर्ता प्रक्रियामा सहभागी हुन आयोगले भनेको छ ।
नेपालको संविधान अनुसार निर्वाचन पूर्व दल दर्ता गर्नुपर्ने व्यवस्था छ । आयोगका अनुसार, यस अघिको निर्वाचनमा सहभागी नभएका नयाँ दलले मात्र दर्ता गराउनु पर्ने छ । सहभागी भइसकेका दलले भने उपनिर्वाचनमा सहभागिताका लागि दल दर्ता गर्नुपर्दैन ।
आयोगका अनुसार एमाले र माओवदादी मिलेर बनेको नेकपाले पनि नँया दल दर्ता गराउनु पर्ने हुन्छ । त्यस्तै दुई वा दुईभन्दा बढी पार्टि मिलि नँया पार्टि बनाएका सबैले दल दर्ता गराउनु पर्ने हुन्छ ।
०७४ मा निर्वाचनबाट तिनै तहमा जनप्रतिनिधि पाएपनि विविध कारणले प्रतिनिधिसभा, प्रदेशसभा र स्थानीय तहका ५० स्थानहरू हाल रिक्त छन् । यदि कुनै कारणले जनप्रतिनिधि रक्त भए, त्यसँ ठाउमा उपनिर्वाचन गराउनु पर्ने संवैधानिक व्यवस्था छ ।
