काठमाडौं, भाद्र १७
सिंहदरबार भित्रैबाट चोरले २ वटा मोटरसाइकल चोरी गरेको खुलासा भएको छ । चोरले ऊर्जा, जलस्रोत तथा सिँचाइ मन्त्रालयको पार्किङ क्षेत्रमा राखिएका २ वटा मोटरसाइकल चोरेको हो ।
बा२ब ८३०२ नम्बरको सरकारी र ज९प ५९३९ नम्बरको निजी मोटरसाइकल चोरी भएको ऊर्जा मन्त्रालय स्रोतले जनाएको छ । चोरी भएकोमध्ये सरकारी मोटरसाइकल ऊर्जा मन्त्रालयकै इन्जिनियर दिनेश श्रेष्ठले प्रयोग गर्दै आएका थिए ।
उक्त घटना गत बिहिवारको हो । प्राप्त जानकारी अनुसार त्यस दिन एक घण्टाको फरकमा दुईवटै बाइक चोरी भएको थियो । सरकारी बाइक ३ः३० बजे र निजी ४ः३० बजे चोरी भएको सीसी टीभी फुटेजबाट देखिएको छ । भिडियोमा दुवै मोटरसाईकल चोरी गर्ने मान्छेले एउटै रंगको कपडा लगाएले चोर एउटै मान्छे हुनुपर्ने अनुमान गरिएको छ । चोरलाई भने प्रहरीले हालसम्म पक्राउ गर्न सकेको छैन ।
प्रधान,गृह लगाएत मुलुककै दुई दर्जनभन्दा बढी मन्त्रालय भएको सिंहदरवार परिसरबाटै चोरी हुदा मुलुकको सुरक्षा व्यवस्थामाथि अहिले ठुलो प्रश्न चिन्ह खडा भएको छ ।

तपाईको प्रतिक्रिया