विराटनगर, माघ २८ । आइतबार कोशी प्रदेशका आन्तरिक मामिला तथा कानुनमन्त्री शमशेर राईले सुनसरीको इटहरीस्थित यातायात व्यवस्था कार्यालय तथा माताहातकाे ट्रायल सेन्टरमा छड्के चेकजाँच गरेका छन् । ट्रयाल तथा यातायातकाे कागजी काममा सेवाग्राहीबाट बिचाैलिया तथा कर्मचारीले घुस लिने गरेकाे गुनासाे आएपछी मन्त्री राई स्यवम् छेड्के जाँचमा पुगेका हुन् ।
मन्त्री राई हाफ भेष्ट, हाफ ज्याकेट कालो चस्मा र मास्क लगाएर सुन्दरहरैचाको दुलारीमा रहेको यातायातको ट्रायल सेन्टरमा समेत सेवाग्राहीको रूपमा पुगेका थिए । त्यहाँ उनले लाईसन्स बनाउनकाे लागी २२ हजारसम्म बिचाैलियाले लिने गरेकाे पाए । पासफेल ठाउँको ठाउँ गर्नुपर्ने व्यवस्था रहेपनि त्यहाँ कर्मचारीले पछि मात्र फेल वा पास बताउने गरेकाेले कर्मचारीपनि बिचाैलियासँग मिलेकाे पाईएकाे छ। छड्के अनुगमनकाे क्रममै धेरै सेवाग्राहीले यातायातमा घुस नदिई काम नहुने मन्त्री समक्ष गुनासाे गरेका थिए ।
