विराटनगर, फागुन १४
विराटनगरका उद्योगी तथा व्यवसायीहरुले विभिन्न तारिकाले राजस्व छल्ने गरेको पाईएको छ । विशेषगरी वस्तु बिक्रि गर्दा भ्याट बिलको सट्टा ईस्टिमेट तथा सादा विल दिएर उनीहरुले राजस्व छल्ने गरेको पाईएको छ । कतिपय व्यवसायीहरुले विक्रि मुल्यभन्दा धेरै कमको विल दिएर राजस्व छल्ने गरेको प्रमाणहरु पनि फेला परेका छन् ।
केही व्यापारीहरुले पछिल्लो समय भ्याटविल समेत नक्कली दिने गरेको पाईएको छ । विशेषगरी खुद्रा उपभोक्ताहरुले भ्याट क्लेम नगर्ने हुनाले विक्रेताले एउटै नम्बरको दुईवटा विल वा फर्जि विल बनाएर राजस्व छल्ने गरेको पाईएको हो । कतिपय व्यापारीहरुले भ्याट र प्यान दुवैमा फर्मदर्ता गरी अधिकतम विलहरु प्यानविल मार्फत कटाउने समेत गरेका छन् । राजस्व विभागका अनुसार हाल विराटनगरको १ सय २६ वटा फर्महरुमा नक्कली बिलसम्बन्धि जाचबुझ भईरहेको छ ।
यस्ता सादा तथा फर्जी विल प्रयोग गर्नेहरूले राजस्वमा विवरण पनि गलत पेश गर्ने गरेका छन् । फर्जी विवरणका कारण घटेको स्टकलाई मिलाउन उनीहरुले भुक्तानी बुझेभन्दा कम रकममा बिल दिने गरेको पाईएको छ । यस्तो फिर्जी विवरण मिलाउनसमेत उनीहरुले भित्रीया लेखापाल समेत राखेका हुन्छन्, भित्रियाले सबै हिसाबकिताब मिलाएपछि मात्र अन्तिम परिक्षणका लागी व्यापारीहरुले विवरणहरु अडिट फर्ममा पठाउने गरेका छन् ।
यस्ता फर्जी काम गर्ने व्यवसायीहरुलाई राज्यको निकायले पहिचान गरी कारवाही गर्ने जरुरी देखिएको छ ।
