१५ फागुन, काठमाडौं । तत्कालीन सेन्चुरी कमर्सियल बैंकका प्रमुख कार्यकारी अधिकृत मनोज न्यौपानेसहित १० जनालाइ प्रहरीले पक्राउ गरेकाे छ । विभिन्न शाखाबाट कमसल धितो राखेर अनियमित रुपमा सवा दुई अर्ब कर्जा प्रवाह गरेकाे ठहरसहित मंगलबार केन्द्रीय अनुसन्धान ब्यूरो सीआईबीले उनीहरूलाई पक्राउ गरेकाे हाे ।
साविकको सेन्चुरी बैंक प्रभु बैंकमा गाभिएपछि प्रभुमा कार्यरत् कर्मचारीहरु पक्राउ परेका हुन् । मर्जरपछि प्रभु बैंकमा डेपुटी सीईओ रहेका न्यौपानेसहित बैंकका पूर्वसीईओ तुलसीराम गौतमलाई पनि सीआईबीले पक्राउ गरेकाे छ । उनीहरुसँगै पक्राउ पर्नेमा प्रभु बैंकमा कार्यरत् कर्मचारी दिलिप बराल, दिपेश प्रधान, रमण श्रेष्ठ र राजेश भण्डारी रहेका छन् । अन्यकाे नाम खाेलाएकाे छैन ।
बचतकर्ता र बैंकको ७ अर्ब डुबाएका देउराली सहकारीका सञ्चालक रविन्द्र चौलागाईंका कम्पनीलाई ५० कराेडकाे धिताेमा सवा २ अर्बको कर्जा प्रवाह गरेकाे सीआईबीकाे प्रारम्भिक छानबिनमा देखिएको छ ।
पक्राउ परेकाहरुविरुद्ध राष्ट्र बैंक ऐन विपरीतको कसुर गरेको आरोपमा अनुसन्धान तथा कारबाही प्रक्रिया अघि बढाइने ब्यूरोले जनाएकाे छ ।
