विराटनगर, ३० फाल्गुन / पूर्व युवराज पारस शाह कैलालीको बेहडाबाबा मन्दिरमा दर्शनका लागि पुगेका छन् ।
उनी सोमबार राती धनगढी पुगेका हुन् । सोमबार धनगढी पुगेका उनी मंगलबार बिहान धनगढी उपमहानगरपालिका-१६ स्थित बेहडाबाबा मन्दिर पुगेर दर्शन गरेका हुन् ।
शाह मन्दिरमा आफ्ना केही समर्थकका साथ पुगेका छन् । झण्डै ४ घण्टा समर्थकका साथ बेहडाबाबामा बिताएका शाह अहिले धनगढीस्थित रुवस होटेलमा बसिरहेका छन् ।
शाहले सुदूरपश्चिम प्रदेशका धार्मीक स्थलहरुको भ्रमण गर्ने समय तालिका रहेको उनका समर्थक रवीन्द्र कार्कीले बताए । उनी झण्डै एक साता सुदूरपश्चिममै रहने बताइएको छ ।
