काठमाडौं, भाद्र १८
काठमाडौं – सीता एयरको ड्रोनियर जहाज ठूलो दुर्घटनाबाट जोगिएको छ । बुधवार उडनको क्रममा सीता एयरको एउटा इन्जिन आकाशमै फेल भएको थियो । इन्जिन आकाशमै फेल भएपनि पाइलटले जहाज सकुशल काठमाडौं अवतरण गराएका छन् ।
लुक्लाबाट आएको सीता एयरको नाइनएन एजेएच जहाजको दायाँ इन्जिन उडानकै क्रममा फेल भएको थियो । क्याप्टेन भरत थापाले उडाएर ल्याएको उक्त जहाजमा उडानकै क्रममा प्राविधिक समस्या आएपनि सकुशल काठमाडौं विमानस्थलमा अवतरण गराउन सफल भएको एयरलाईन्सले जानकारी दिएको छ ।
जहाज बिहान ८ः५१ बजे काठमाडौं विमानस्थलमा अतवरण गरेको थियो । जाहजमा चालक दलका सदस्यहरु बाहेक अन्य यात्रुहरु भने नरहेको छ । बताईएको छ । जहाज सुरक्षित अवतरण भएकाले कुनै पनि जनधनको क्षति नभएको जानकारी प्राप्त भएको छ ।

ADVERTISEMENT