०२ आषाढ २०८१, शनिबार
15-06-2024 , Sat

विवादबीच थारू कल्याणकारी सभा मोरङको निर्वाचन सम्पन्न

Logo
जनचर्चा संवाददाता प्रकाशित बिहिबार, चैत्र ०८, २०८०

विराटनगर, चैत ८ । विवादबीच सभा मोरङको निर्वाचन सम्पन्न बुढीगंगा–२ स्थित थारू संग्राहलय भवन बौराहामा बुधबार थारू कल्याणकारी सभा मोरङको १० औं जिल्ला अधिवेशनको कार्य समिति निर्वाचन सम्पन्न गरिएको छ । निर्वाचनकालागि बारम्बारको मिति सारिएपनि ७ चैतमा निर्वाचन हुने भनी निर्वाचन अधिकृत जयराम पंजियारले सार्वजनिक सूचना प्रकासित गरेका थिए । तर सभाको मोरङ अध्यक्षमध्येका एक उम्मेदवार प्रदिपकुमार भगत थारूले एक पक्षीय ढंगबाट अमुक समूहलाई फाइदा पुर्‍याउने गरी संचालन गरिने निर्वाचन आफूलाई मान्य नहुनेभन्दै बहिष्कार गरेका थिए । थारूले सभाको केन्द्रिय कार्य संचालन समितिको बैठकबाट अधिवेशनको निर्वाचन प्रक्रिया स्थगित गर्न र आफूलाई कार्यसमिति मोरङको जिल्ला अध्यक्ष तोकिएको अवस्थामा बलजफ्ती निर्वाचन गराउन खोज्नु भनेको विधान सम्मत नभएको र अवैध रहेको बताएका थिए । उनले सभाको केन्द्रिय कार्यालयबाट प्राप्त पत्र निर्वाचन स्थलमा पनि टाँस गरिएको दावी गरेका थिए ।

उता निर्वाचन अधिकृत पंजियारले केन्द्रबाट पत्र आएको भन्ने कुरा हास्यास्पद रहेको बताए । उनले त्यस्तो पत्र त आफूले पनि पाउनु वा बुझाउनु पर्ने थियो, त्यो प्राप्त नगरेको बताए । उनले निर्वाचन गराउन उच्च अदालत, जिल्ला अदालतको आदेश र प्रशासनको सहमतिमा निर्वाचन गराएको बताए । उनले आफू कुनै समूहमा आवद्ध नभएको र यो मान्छे मेरो वा तेरो भन्ने नभएको बताए । पंजियारले आफूले केन्द्रबाट कुनै आधिकारीक पत्र नपाएको स्पष्ट पारे । उनले निर्वाचन सहज परिस्थितिमा र विवादरहित भएको बताए । उनले कुनै एक व्यक्तिले बहिष्कार गर्दैमा निर्वाचन नविथोलिने र निर्वाचनबाट विजयी उम्मेदवारले नै वैधानिकता पाउने बताए ।

अध्यक्षका अर्का दावेदार प्रदीपकुमार विश्वासले समग्रमा मोरङका थारू मतदाताहरू परिवर्तनको पक्षमा रहेको बताए । उनीहरूको नेतृत्व फेर्नु पर्छ भन्ने चाहना प्रवल भएको हुनाले निर्वाचन संचालन गरिएको स्पष्ट पारे । उनले निर्वाचन बीनाकुनै कारण ६/६ पटक रोकिएको हुनाले मतदातापनि आजित भएको र मतदाताबाट पनि अतिशिघ्र निर्वाचनको माग गरिएको विश्वासको कथन थियो । विश्वासले केन्द्रको पत्र मान्य हुने लायकको नभएको बताए । उनले केन्द्रमा पनि विघटन भइसकेको र पत्रको कुनै माइन्यूटिङ नभएकोले वैधानिकता नराख्ने बताए । विश्वासले ३–३ पटक केन्द्रिय पार्षद भइसकेको बताए । उनले विवाद थारूले उब्जाएको बताए । उनले केन्द्रले निर्वाचन अधिकृतका रूपमा पुनित चौधरीलाई खटाई सकेपछि असार ८ र ९ गते को अधिवेशनबाट हुन लागेको निर्वाचन किन रोकेको र अर्को मिति किन नतोकेको भन्दै प्रश्न गरे ।

पुनितको साटो पंजियार निर्वाचन अधिकृत भएर मोरङ आएपछि उनलाईपनि विभिन्न लाञ्छाना लगाइएको विश्वासको कथन थियो । पंजियारले जसरीपनि निर्वाचन गराई छाड्ने अठोट गरेपछि केहि व्यक्ति अदालत गएको तर अदालतले निर्वाचन सम्पन्न गर्नु गराउनु भने पछि सौर्हादपूर्ण वातावरणमा निर्वाचन भइरहेको जानकारी दिए । मतदाता लेटाङकी मञ्जु चौधरीले आफूलाई विवाद बारे थाह नभएको बताइन् । उनले जसले जितेपनि थारूको हक, हित र कल्याणकालागि इमान्दारितापूर्वक काम गर्नु पर्ने बताइन् । १ अध्यक्ष, अनिवार्य १ महिलासहितको ३ उपाध्यक्ष, १ सचिव, १ सह सचिव, १ कोषाध्यक्ष र १४ सदस्यकालागि निर्वाचन गरिएको थियो । सभा मोरङमा २७२ मतदाता रहेका छन् ।

कमेन्ट गर्नुहोस्
सम्बन्धित

विराटनगर,३१ जेठ । राजा र हिन्दु राष्ट्रको वकालत गर्दै आएको एकीकृत राष्ट्रिय संघर्ष समितिकाे अगुवाईमा विराटनगरका स्थानीयले राजा महेन्द्र वीरविक्रम शाहदेवको १०५ औं जन्मजयन्ती मनाएका छन् । समितिका केन्द्रीय अध्यक्ष बल्लभप्रसाद दाहालको अध्यक्षतामा भएको साे जन्मउत्साेव कार्यक्रममा सयौ आम नागरिकहरुकाे उपस्थिती रहेको थियो । कार्यक्रममा राजावादी नेताहरु बद्री मण्डल, जीतबहादुर अर्जेल लगायतले राजतन्त्र र राजा […]

 जेठ ३१,विराटनगर ।  विगत १२ महिनामा औसत वैश्विक तापक्रम रेकर्ड उचाइमा पुगेको र यो अभूतपूर्व रहेको नासाको विश्लेषणले देखाएको छ । ‘हामीले जलवायु सङ्कटको सामना गरिरहेका छौँ भन्ने स्पष्ट छ’, नासाका प्रशासक बिल नेल्सनले एक समाचार विज्ञप्तिमा भने, ‘विश्वभरका समुदायहरूले अभूतपूर्व सङ्ख्यामा प्रत्यक्षरूपमा अत्यधिक गर्मी महसुस गरिरहेका छन् ।’ पछिल्लो १२ महिनाको औसत विश्वव्यापी तापक्रम […]

विराटनगर, २९ जेठ / विराटनगर क्षेत्रभित्र सञ्चालित सामुदायिक विद्यालयको शैक्षिण गुणस्तर वृद्धि गर्ने उद्देश्यले विराटनगर महानगरपालिकाले प्रधानाध्यापकहरूसित कार्यसम्पादन करार सम्झौता गरेको छ । महानगरका मेयर नागेश कोइरालाको उपस्थितिमा सोमबार भएको कार्यक्रममा सामुदायिक विद्यालयका प्रधानाध्यापकहरूसित कार्यसम्पादन सम्झौता गरिएको हो । कार्यक्रमलाई सम्बोधन गर्दै मेयर कोइरालाले सामुदायिक विद्यालयप्रति पछिल्लो समय अभिभावक र विद्यार्थीको आकर्षण बढ्दै गएको भन्दै खुसी […]