विराटनगर, चैत २६ । मोरङ व्यापार संघले आफ्नाे ६७औं वार्षिक साधारण सभामा उद्योगी एवं समाजसेवी दिनबन्धु गोयललाई सम्मान गरेको छ । संघकाेअस्तित्व र ओझलाई बढाउन गरीएकाे सहयाेगकाे उच्च मुल्याङ्कन गर्दै गाेयललाई सम्मान गरिएको हाे ।
गाेयल काम विशेषले हाल नेपाल बाहिर रहेकाले प्रतिनिधीलाई सम्मान पत्र जिम्मा लगाईएकाे थियाे । ६७औं वार्षिक साधारण सभामा कार्यक्रमका प्रमुख अतिथि नेपाली कांगेसका वरिष्ठ नेता डा. शेखर कोइराला, कांग्रेस नेता डा. मिनेन्द्र रिजाल, कोशी प्रदेश सरकारका पूर्व मुख्यमन्त्री हिक्मत कार्की र संघका अध्यक्ष नविन रिजालले संयुक्तरुपमा सम्मानित हुने सबैलाई सम्मान पत्र प्रदान गरेका थिए ।
गाेयलबाहेक संघको साधारण सभामा समाजसेवी भगवानलाल साह, डा. रोशन खड्का, डा. प्रदिप गुप्ता, गायक सुमित खड्का र प्राध्यापक डिएन चौधरी पनि सम्मानित भएका छन् । संघको ६७औं वार्षिक साधारण सभाले मोरङ व्यापार संघको नाम परिवर्तन गरेर “मोरङ उद्योग व्यापार संघ” नामाकरण गरेका छन् । कांग्रेसका वरिष्ठ नेता डा. कोइरालाले मोरङ उद्योग व्यापार संघ नामाकरण बोर्डको अनावरण गरेका थिए ।
साधारण सभामा नेपाल उद्योग वाणिज्य महासंघका अध्यक्ष चन्द्रप्रसाद ढकाल, सार्क चेम्बर अर्फ कमर्शका उपाध्यक्ष चण्डीराज ढकाल, नेपाल उद्योग परिसंघका केन्द्रिय अध्यक्ष भीम घिमिरे, परिसंघका कोशी प्रदेश अध्यक्ष डा. पवनकुमार सारडा, उद्योग संगठन मोरङ अध्यक्ष राकेश सुराना र विराट व्यापार संघका अध्यक्ष अन्शु वंजारा लगाएतकाे उपस्थिती रहेकाे थियाे ।
