पोखरीया मा वि अनि मानवसागर
विराटनगर, २६ चैत
विराटनगरको पोखरीया विद्यालयमा थेगिनसक्नुको भीड उर्लिएको छ । सोमवार यहाँस्थित पोखरीया मा वि , को इन्ट्रान्स एक्जाममा यस्तो मानवसागर उर्लिएको हो । जम्मा ६ सय विद्यार्थीहरुको लागि आवेदन परेकोमा २५ सयको हाराहारीमा विद्यार्थीको आवेदन परेको थियो । सो कुराको जानकारी पोखरीया मा वि , का प्रधानाध्यापक खेमराज भट्टराईले जानकारी गराए ।
प्रतिष्पर्धाका लागि शिक्षा , गुणस्तरीय शिक्षाका लागि पोखरीया भन्ने मूल स्लोगनका साथमा स्थापित यो विद्यालय वास्तवमै विराटनगरमा अरुभन्दा फरक अनि अब्बल रहदैं आएको छ । विराटनगर कोशी प्रोजेक्ट बाट , कक्षा ७ को लागि इन्ट्रान्स एक्जाम दिन भनेर आएकी , कृष्मा केसी एकदमै रमाइरहेकी थिइन् । उनी भन्दैथिइन् , ३ घण्टाको परिक्षा मैलै अढाइ घण्टामै सिध्याए । प्रश्न सजिलो अनि राम्रो लाग्यो , कृष्मा बताउँछिन् ।
आफू पास भएर कक्षा ७ मा भर्ना हुनेमा विश्वष्त रहेको समेत कृष्मा खुशी हुदै बताउँछिन् । कृष्माका अभिभावक , उनका वुवा पनि छोरीले पोखरीया विद्यालयमा पढ्न मन गरेकै कारण आफूपनि छोरीकै इच्छाका कारण यहाँ आएको बताउँछन् । यसअघि कृष्मा होलिल्याण्डमा अध्ययनरत रहेकी विद्यार्थी थिइन् ।
कृष्मा अनि कृष्माका वुवा त प्रतिनिधि मात्रै हुन् । पोखरीया विद्यालयमै आफ्नो सन्तानलाई पढाउनेको विराटनगरमा तातीनै लागेको छ । विराटनगरदेखी बाहेक नेपालका अन्य भेगबाट समेत मानिसको उर्लदो भीड पोखरीयामा देखिएको छ । साच्चैनै पोखरीया विद्यालयको पढाइको गुणस्तर राम्रो भएकैले गर्दा पनि यहीँ स्कूलनै विराटनगरको हकमा पहिलो रोजाइमा परिरहेका छ ।
