गौरादह, भाद्र २३
गौरादह नगरपालिकाको बा २ झ २५७० नं. को स्कर्पियो गाडीमा अकस्मात बम बिस्फोट भएको छ । नगरपालिकाको नाममा रहेको उक्त गाडीे प्रमुख प्रशासकिय अधिकृत सागर मिश्रले प्रयोग गर्दै आएका थिए ।
गौरादह वडा नं. ३ धोविनियाका इन्द्रबहादुर कट्वालको घरमा पार्किङ गरेर राखिएको अवस्थामा बम बिस्फोट भएको ईलाका प्रहरी कार्यालय गौरादहले जनाएको छ । मिश्र सोही घरमा भाडा तिरेर बस्दै आएका छन् ।
राती करिब साढे १२ बजे ठुलो आवाज सहित बम बिस्फोट भएको स्थानीयहरुले बताएका छन् । बिस्फोटबाट कुनै मानवीय क्षति नभएपनि गाडीको अगाडि पट्टीको भाग पुर्ण रुपमा क्षतिग्रस्त भएको छ । गाडीका पार्टपुर्जाहरु यत्रतत्र छरिएका छन भने गाडीका टायरहरु समेत पम्चर भएका छन् ।

तपाईको प्रतिक्रिया