विराटनगर, साउन २५ । शुक्रबार बिहान सिक्किममा ४.४ रेक्टर स्केलको भूकम्प गएको छ। भारतीय राष्ट्रिय भूकम्प विज्ञान केन्द्रका अनुसार, भूकम्पको केन्द्रबिन्दु सिक्किमको सोरेङआसपास रहेको थियो। स्थानीय समयअनुसार बिहान ६:५७ मा गएको यस भूकम्पको गहिराइ १० किलोमिटर रहेको जनाइएको छ।
भूकम्पको प्रभाव व्यापक रूपमा महसुस गरिएको छ। सिक्किम र दार्जीलिङसहित पश्चिम बंगालका केही जिल्लाहरूमा यसको धक्का महसुस गरिएको छ । साथै, नेपालको पूर्वी भेगमा पनि भूकम्पको झड्का महसुस गरिएकाे छ। यसैगरी, बंगलादेश र भुटानका केही क्षेत्रहरूमा समेत भूकम्पको प्रभाव परेको जानकारी प्राप्त भएको छ। विराटनगरमा पनि भुकम्पकाे धक्का महशुस भएकाे छ ।
