विराटनगर, भदाै २१ । विराटनगर २ तीन पैनीमा रहेको विएसएन स्कुल अफ होटल मेनेजमेन्टले बिहीबार हरितालिका तीज पर्व मनाएकाे छ। स्कुल परिसरमा आयोजित साे कार्यक्रममा यसै वर्ष भर्ना भएका होटल मेनेजमेन्टका विद्यार्थीहरूलाई हरितालिका तीजको महत्व र परम्पराबारे जानकारी समेत गराईएकाे छ।
कार्यक्रममा स्कुलका प्रोग्राम डाइरेक्टर मनोज राजवंशीले तीज पर्वको महत्व दर्शाउँदै सबैलाई शुभकामना दिए। उनले भने, “तीजमा होटलहरूमा धेरै कार्यक्रमहरू हुने भएकाले यो होटल व्यवस्थापनका विद्यार्थीहरूका लागि एक उत्कृष्ट सिक्ने अवसर हो। विद्यार्थीहरूलाई पढाइसँगै व्यावहारिक सीपमूलक ज्ञान प्रदान गर्ने हिसाबले तीज पर्व कलेजमा मनाइएको हो।” राजवंशीले थप बताए, “होटलमा सेवासँगसँगै धर्म र संस्कृतिलाई पनि कसरी प्रवर्द्धन गर्न सकिन्छ भन्ने उद्देश्यले समेत यो कार्यक्रम आयोजना गरिएको हो।”
कार्यक्रममा विएसएन स्कुलका डाइरेक्टर अनिता राजवंशी, एचओडी अजय चौधरी, शिक्षक सुमित ठाकुर लगायतको उपस्थिति रहेको थियो। कार्यक्रममा उपस्थित सबै विद्यार्थी तथा शिक्षक शिक्षिकालाई तीजको दर समेत खुवाइएको थियो। यसै वर्षको शैक्षिक सत्रदेखि होटल मेनेजमेन्ट विषय मात्र पढाइ सुरु गरेको यस स्कुलमा हाल ६३ जना विद्यार्थी भर्ना भएका छन्।
