काठमाडौं, असोज १३
आपूर्ति व्यवस्था प्रभावकारी बनाउन प्याज निर्यातमा भारतले प्रतिबन्ध लगाएको छ । भारतभित्रै पियाजको अभाव हुने संभावना बढेपछि निर्यातमा प्रतिबन्ध लगाएको त्यहाँको सरकार बताउँछ । कालोबजारी नहोस् भनेर भारतको घरेलु बजारमा विक्रेताले बिक्री गर्ने प्याजको भण्डारण परिमाण समेत तोकिएको छ ।
यसले प्याजको नेपाली बजार झनै अकासिने सम्भावना बढेको छ । नेपालमा खपत हुने ९८ प्रतिशत प्याज भारतबाट आयात हुन्छ ।
भारतको केन्द्रीय वाणिज्य तथा उद्योग मन्त्रालयले आइतबार विदेश व्यापार महानिर्देशनालयलाई अर्को आदेश नआएसम्म प्याज निर्यातमा प्रतिबन्ध लगाउन निर्देशन दिएको छ ।
दिल्ली सरकारले आइतबारदेखि नागरिकलाई एकपटकमा पाँच किलो मात्रै खरिद गर्न पाउने नियम लगाएको छ ।
