६ महिना भित्र क्यूआर कोडको प्रयोग दोब्बर

बिराटनगर, फागुन १२
चालु आर्थिक वर्षको ६ महिनामा क्विक रेस्पोन्स (क्यूआर) कोडमा आधारित कारोबार करिब ९० प्रतिशतले बढेको छ । क्यूआर कोडमार्फत साना र खुद्रा भुक्तानी गर्न सहज भएकाले पछिल्लो समय उल्लेख्य कारोबार बढेको हो ।
राष्ट्र बैंकले यस बर्ष क्यूआर कोडमा आधारित कारोबारलाई पहिलो प्राथमिकतामा राखेको छ । क्यूआर कोडबाट साना तथा खुद्रा कारोबार गर्न मात्र सकिन्छ । ठूला कारोबारका लागि आरटीजीएस, आईपीएस कनेक्टलगायत प्रणाली उपलब्ध छन् । आम मानिसले आफ्नो स–साना कारोबारहरु क्यूआर कोडबाट गर्ने क्रम बढेकाले कोडबाट हुने कारोबार ९०प्रतिशतले बढेको हो ।
क्यूआर कोडबाट हुने कारोबारको विकास तथा विस्तारका लागि राष्ट्र बैंकले क्यूआर कोडलाई प्राथमिकतामा राखेको छ ।