विराटनगर , फागुन १४
नेपालको विभिन्न सिमानाकाबाट भारततर्फ पेट्रोलियम पदार्थ तस्करी हुने क्रम बढेको छ । नेपालभन्दा भारतमा पेट्रोलीयम पदार्थको मुल्य बढी भएका कारण नेपालबाट हुने तस्करीले प्रोत्सान पाएको हो । दुई देशबिच इन्धनको मूल्यमा ठूलो अन्तर रहेकाले नेपालको सीमाक्षेत्रमा बसोबास गर्ने धेरै जसो स्थानियहरुले इन्धन तस्करीलाई नै मूल पेशा बनाएका छन् ।
नेपालमा भन्दा भारतमा पेट्रोलको मूल्यमा ३५ रूपैयाँ २९ पैसा महंगो छ भने डिजेलको पनि प्रति लिटर ४१ रूपैयाँ ४३ पैसाको फरक छ । खुल्ला सिमानाका कारण तस्करी गर्न सहज भएका कारण पनी नेपाल आयल निगम र स्थानीय प्रशासनले तस्करी नियन्त्रण गर्न नसकेको हो ।
अर्को तर्फ मालसामान लिएर नेपाल आउने मालवाहक गाडीले पनि नेपालमै इन्धन भरेर जाने गरेका छन् । नेपाल आयल निगमले भारतीय गाडीलाई प्रति गाडी सय लिटर भन्दा बढी पेट्रोलीयम पदार्थ नदिने निर्देशन गरेको छ । तर सीमा छेउका पम्पहरुले भारतीय गाडीलाई नेपालमै फूल टंकी गरेर जान दिने गरेका छन् ।
तस्करी गरी लगेको तेल भारतका पम्पले बेच्ने भन्दा प्रति लिटर १० रूपैयाँ सस्तोमा भारतमा बिक्री हुने गरेको छ ।
तस्करीको विषयमा भारितय मिडियाहरुले समेत बारम्बार समाचारहरु लेखिरहेता पनि नेपल–भारत दुवै देशका संयन्त्रहरुले ईन्धन तस्करीलाई रोक्न सकेको छैन् ।
