विराटनगर २० फागुन
राजस्व अनुसन्धान विभागले बाबा फ्लोर मिल्स प्रालिका सञ्चालक तथा गोपाल फ्लोर मिल प्रालिका मुख्य कारोबारी सुरेशकुमार राठीसहित तीन जनाविरुद्ध आइतबार मुद्दा दायर गरेको छ ।
विभागले बाबा फ्लोर मिल्स प्रालिकै सञ्चालक सुमन राठी र कम्पनीका मेनेजर गिरधारीलाल अग्रवाल र सुरेश विरुद्ध राजस्व चुहावटको मुद्दा लगाएको हो ।
उनीहरु विरुद्ध १५ करोड ३६ लाख ६३ हजार ६ सय ७२ रुपैयाँ बिगो असुल गरी जरिवाना र कैद सजाय माग दाबी गरी पाटन उच्च अदालतमा मुद्दा दायर गरेको छ ।
मिलका सञ्चालकद्वय राठीसहित कम्पनीका मेनेजर गिरधारीलाल अग्रवालले वास्तविक बिक्री–आम्दानीभन्दा घटी बिक्री देखाई मूल्य अभिवृद्धि कर, लाभांश कर र आयकरसमेतको राजस्व चुहावटको कसुर गरेको साथै भीसीटीएस समेतको पालना नगरेको देखिएको विभागद्वारा दायर अभियोग पत्रमा उल्लेख छ ।
