विराटनगर ,चैत्र ३
विराटनगरमा चैत्र ५ गतेबाट विराट फुटवेयर बिजनेस एक्स्पो हुने भएको छ ।
फुटवेयर म्यानुफ्याक्चर्सले सोमबार विराटनगरमा पत्रकार सम्मेलन गरी एक्सपो आयोजना गर्न लागेको जानकारी गराएको हो । आयाजकले एक्सपोमा नेपालका विभिन्न १५ वटा ब्रण्डका जुत्ताचप्पल राखिने जनाएको छ ।
वैशाख ५ गतेसम्म फुटवेयर एक्सपो हुने आयोजक समितिका संयोजक होमनाथ उपाध्यायले जानकारी दिए । मेलामा ५ हजार बढी मोडलका २ लाख ५० हजार जोर जुत्ताचप्पलको राखिने उनले जानकारी दिए । मेलमा ६० वटा स्टल राखिने उपाध्यायले जानकारी दिए ।
एक्पोमा बेस ग्लोवल प्रालि, शिखर सुज इण्डष्ट्रिज, कोशेली छाला जुत्ता उद्योग, लालीगुराँस फुटवेयर, नियासा सुज इण्डष्ट्रिज, रोयल फुटवेयर इण्डष्ट्रिज, शुभकामना फुटवेयर प्रोडक्ट, पवित्रा सुज इण्डष्ट्रिज, रन सुज इण्डष्ट्रिज, स्मार्ट सुज इण्डष्ट्रिज, जय श्री पियु टेक र सुरवी पोलमर्स कम्पनीलगायतको उत्पादन रहने छन् ।
मेलमा १ सय देखि १० हजारसम्मका जुत्ताचप्पल १० देखि ५० प्रतिशतसम्म छुटमा विक्री गरिने उनले बताए । मेला अवधिमा करिब २ करोडको कारोवार हुने अपेक्षा रहेको उनले जानकारी दिए ।
