सुमन बस्नेत
विराटनगर, जेठ ५
सशस्त्र प्रहरी बलको सेवा छोडी राजनितीमा होमिएका युजन बस्नेत थुलुङ दुधकोशी गाँउपालिका २ को वडा अध्यक्षमा निर्वाचित भएका छन् । २०७० साल ५ महिना ३ गते सशस्त्र प्रहरी बलको प्रहरी जवानमा भर्ना भएका बस्नेतले ३ बर्ष नपुगदै जागिर छोडी राजनिती मार्फत जनताको प्रत्यक्ष सेवा गर्ने निर्णय गरे ।
जागिरको सिलसिलामा बिभिन्न ठाउँ खटिनु पर्ने भएकाले आफनो गाउँ ठाउँमा भने खासै योगदान पुर्याउन नसकेको उनलाई मनमा पिडा थियो । सोही कारण उनले प्रहरीको जागिर छोडी २०७४ को स्थानीय चुनाव देखि नै गाँउमै बसी राजनिती गर्न सुरु गरे ।
यसपटकको स्थानीय चुनाबमा उनी माओवादी केन्द्रबाट वडाअध्यक्ष मा उठे र जिते । निर्वाचन परिणाम अनुसार उनले ४ सय ८९ मत ल्याई वडा अध्यक्षमा विजय भएँ । उनका निकटतम प्रतिद्धन्द्धि नेपाली कांग्रेसका कान्तीराज थुलुङ ४ सय ३३ मत ल्याए । त्यसैगरी तेस्राेमा नेकपा एमालेका उदय नारायण बस्नेतले १ सय ५५ मत ल्याए ।
