निरज बस्नेत
विराटनगर, जेठ ७
बिराटनगर महानगरपालिकाको अन्तिम मतपरिणाम आईसकेको छ । नेपाली कांग्रेसका मेयरका उम्मेदवार नागेश कोईराला ३० हजार १ सय ७० मतका साथ विजयी भएका छन् । एमालेबाट मेयरकै प्रत्यासी सागर थापाले २१ हजार ४ सय ५५ मत मात्र ल्याउन सके ।
नेपाली कांग्रेसका केन्द्रिय सदस्य डा.शेखर कोईरालाको चट्टानी अडानले मेयरको टिकट पाएका नागेशले विराटनगरमा सोचे मुताविकको मत पाए । आम मतदाताले नागेशलाई मन पराएको देखियो ।
प्रत्यासी सागरको हकमा भने सोचे मुताविकको मत आएन । चुनावी प्रचार–प्रसार ताका विराटनगरका उद्योगी गिरेन्द्र कार्कीले गरेको असहयोगको कारण थापाको मतदाताहरु बिच्किएको बजारमा हल्ला छ । दुईजना विच भएको अन्तरिक सम्झदारीमा गिरेन्द्रले धोकाधडी गरेपछि सागरको मतदाता बिच्किएको बुझ्नमा आएको छ ।
एमालेबाटै विराटनगरको उपमेयरमा उठेकी आफ्नी धर्मपत्नी शिल्पालाई जिताउन सागरसँग उद्योगी गिरेन्द्रले केही आपसी सम्झौता गरेको स्रोत बताउँछ । सम्झौता अनुसार राजनितीक पृष्ठभुमि र जनआधार बलियो भएका सागरले, शिल्पालाई जनसम्पर्क बढाउन सहयोग गर्ने र त्यसबापत उद्योगी गिरेन्द्रले चुनावी प्रचार–प्रसारमा सागरलाई आर्थिक सहयोग गर्ने सम्झदारी भएको थियो ।
सम्झदारी अनुसार चुनावी प्रचार–प्रसारताका सागरले शिल्पालाई दिल खोलेर सहयोग गरेका थिए । सागरले शिल्पाको लागी भोट मात्र मागेनन्, आफुसँग पकडमा रहेका एक एक सुभचिन्तकलाई शिल्पाको पक्षमा स्थापित गराईदिए ।
तर गिरेन्द्रले भने समझदारी अनुरुप सागरलाई सहयोग गरेनन् । सागरका सिफारिसमा प्रचार–प्रसारका लागी जायज खर्च माग्न गएका एमाले कार्यकर्तालाई गिरेन्द्रले अझ भड्काउने काम गरेको भुक्तभोगी सुनाउँँछन् । “तपाँईको नाम सागर जीले सिफरिस गर्नु भएको छैन्, बरु उपमेयरमा शिल्पालाई सहयोग गर्नुस् म तपाईलाई गर्नु पर्ने गरौला” गिरेन्द्रको भनाई उद्धत गर्दै एक भुक्तभोगीले सुनाए ।
आज सोही रुष्ठ जमातको प्रतिक्रिया मतपत्रमा प्रष्टसँगले देखिएको छ । यसरी गिरेन्द्रले सागरको हजारौं भोट बिगारेर एकलौटी शिल्पाको पक्षमा मतदान गर्न लगाएको अहिले स्थानीय राजनितीक वृतमा चर्चा चलेको छ । गिरेन्द्रको यो कुर्तुतलाई अहिलेको भोट प्याटर्नले पनि पुष्ठि गरेको छ । अन्यथा, शिल्पाले सागरलाई भोट संख्यामा उछिन्ने थिईनन् । किनभने शिल्पा भन्दा सागरको जनमत प्रष्ट देखिन्छ ।
तर गिरेन्द्रको धोकेधाडी राजनिती दिर्घकालीन टिक्न सक्दैन र यसको परिणाम आगामी दिनहरुमा शिल्पाले प्रत्यक्ष र अप्रत्यक्ष रुप भोग्नु पर्ला जस्तो देखिन्छ ।
