विराटनगर , भदौ ४
निरज बस्नेत
विराटनगरस्थित संगम पार्टी प्यालेसमा तीज विशेष कार्यक्रम सम्पन्न भएको छ । मनकामना डान्स सेंन्टर विराटनगरको आयोजनामा शनिवार सो कार्यक्रम भएको हो ।
कार्यक्रमका प्रमुख अतिथि नृत्य सम्राट प्रेम सुनाम रहेका थिए । कार्यक्रमको सभापतित्व ७० बर्षीया विराटनगर १० का डिक बहादुर खापुङले गरेका थिए । यिनै डिक बहादुर र सिता सिंहले आकर्षक नृत्य प्रस्तुती गरेका थिएँ । हे कान्छा बोलको सुमधुर गानामा डिक र सिताको जोडी जमेको थियो ।
प्रमुख अतिथि प्रेमले कार्यक्रमको अन्ततिर गरेको बेजोड प्रस्तुतीले यस तीज विशेष कार्यक्रममा जान थपेको थियो । कार्यक्रमका प्रस्तोता विराटनगर ८ का घनिन्द्र मगरले केही गीतमा लोभलाग्दो नृत्य पस्केका थिए । मनकामना डान्स सेंन्टरकी संचालिका संगीता राईले ५ वटा गीतमा बेजोड मनमोहक नृत्य प्रस्तुत गरेकी थिईन् ।
सरगम डान्स सेंन्टर, मनकामना डान्स सेंन्टरबाट आएका कलाकारहरुले समेत कार्यक्रममा नेपाली तथा हिन्दि गानामा नृत्य प्रस्तुत गरेका थिएँ । तीज विशेष कार्यक्रममा दर पनि खुवाईएको थियो ।
