विराटनगर, कार्तिक ५
निरज बस्नेत
देशकै चर्चित क्षेत्रको रुपमा हेरिएको मोरङ–४ मा त्रिपक्षीय महाभिडन्त हुदैछ । १ लाख १० हजार बढी मतदाता रहेको यो क्षेत्रमा गठबन्धनका खरा उम्मेदवार अमनलाल मोदी, एमालेबाट चर्चित व्यक्तित्व विनोद ढकाल एवं राप्रपावाट युवा देशभक्ति उम्मेदवार रवि रिजालबीचमा त्रिपक्षीय भिडन्त हुने अड्कल काटिदेैछ ।
मोदी युवा नेताका रुपमा सत्ता गठबन्धनवाट साझा एक्ला उम्मेदवार हुन् । ५ वर्ष सांसद भएर मोदीले सवैको मन जितेका छन् । अमनको साथमा ग्रामथान गाउँपालिकामा ८० प्रतिशत मत कन्र्फम रहेको स्थानीय कौंशल राय दावी गर्छन् । गएको ७४ को चुनावमा विजयी भएपछी पटक–पटक गाउँमा आई आम मतदाताको मन–मनमा बस्न सफल मोदी आफैमा युवा जुझारु नेताको रुपमा परिचित छन् । कांग्रेसका प्रभावशाली नेता महेश आचार्यलाई हराई प्रतिनिधि सभामा पुगेका मोदीको असल चरित्र नैं सवैमाझ लोकप्रिय छ । हरकोहीसँग सजिलै घुलमिल हुनसक्ने छवि बनाएकै कारण मोदीलाई सायद यो पाली पनि चुनाव जित्न सहज देखिन्छ ।
यता कुनैपनि चुनाव अहिलेसम्म नजितेका एमालेका उम्मेदवार विनोद ढकाल यसपाली पक्का चुनाव जितिछाड्ने दावी गर्छन् । देशकै ठूलो पार्टी एमालेका अध्यक्ष केपी ओलीसँग अत्यन्त घनिष्ठ सम्वन्ध स्थापित गरेका ढकाल युवाको मोर्चा सम्हाल्दै पार्टीका हार्डलाईनर बनेका छन् । देशका प्रतिष्ठित व्यक्तित्वसँगको यिनको सामीप्यताले गहिरो अर्थ राख्छ । एमालेमा रहेर सधै केन्द्रमा प्रभाव पार्नसक्ने नेताको छवि बनाएका ढकालले चुनाव जितेमा मोरङ–४ को समस्या जादूको छडी जसरी समाधान गर्न सक्ने दावी कटहरी–७ का अमरेन राजवंशी दावी गर्छन् । तत्कालीन विराटनगरको स्थानीय चुनावमा कांग्रेसका भीम पराजुलीसँग मेयरमा हारेका ढकालले त्यँहादेखि गिरेको साखलाई केहीवर्षमा ह््वात्तै बढाएर लगेका छन् । हरेक स्तरको चुनावमा पराजित भोगे तापनि असफलतालाई शिरोधार्य सहज रुपमा लिएका ढकाल यसपाली बाजी मार्ने दावी गर्छन् ।
त्रिपक्षीय महाभिडन्तको बलिया क्यान्डिडेट राप्रपाका युवा जुझारु उम्मेदवार रिजाल विल्कुलै नयाँ अनुहार देखिएतापनि केही गर्ने अठोट बोकी आएका उदियमान नेता हुन् । स्व. प्रधानमन्त्री नागेन्द्र प्रसाद रिजालका नाती एवं कूलचन्द्र प्रसाद रिजालका जेष्ठ सुपुत्र रवि शिक्षित पढेलेखेका स्पष्ट भिजन भएका प्रखर युवा नेता हुन् । यिनको पुस्तैनी ईतिहास गर्विलो छ । यिनलाई नपुग्दो केही छैन । तरपनि देशभक्तिले ओतप्रोत यिनको मन कहाँ पो मान्न सक्छ र , आज मोरङ–४ बाट चुनावी दौंडमा केही गर्छु भनी दृढ संकल्प काँधमा बोकी सवै मतदाता माँझ एककदम अगाडी आएका छन् ।
व्याचलर होल्डर श्रीमती आराधनाको बजोड साथ, आम मोरङ–४ का मतदाताको भरपूरसाथ नै यिनको विजयीको सुनिश्चतता देखिन्छ । समाजसेवाको पर्यायवाची बनेका रिजालको सक्रियता देखिनेगरी समाजसेवामा क्लिएर देखिएको छ । ४० विगा जमिनमा सुकुम्वासीका १३ सय घर आज पनि जनतावस्ती ईटहरीमा रहेको छ । यो ४० विगा जमिन यिनकै हो । यिनका स्व. हजुरवुवा पूर्वप्रधामन्त्री नागेन्द्र प्र रिजाल हिन्दू परिषद्का पहिलो संस्थापक अध्यक्ष हुन् । स्व. राजा वीरेन्द्रको राज्याभिषेकको रुपमा सम्पूर्ण तारतम्य मिलाउने व्सक्तित्व समेत यिनकै हजुरवुवा स्व. नागेन्द्र नै थिएँ ।
मे ७ २०१४ मा आराधना पुडासैनीसँग एरेन्ज म्यारिज भएयता आज प्रत्येक क्षण दरो खम्वाको रुपमा साथमा साथ मिलिरहेको छ । जुन आफैमा उदाहरणीय हो । आराधनाको पढाई दार्जिलिङको कालेवुङ शहर हुदै सिंगारपुरमा समेत भएको थियो ।
समग्रतामा हेर्दा मोदी, ढकाल, रिजाल बीचमा त्रिपक्षीय महाभिडन्त हुने नै देखिन्छ । तरपनि जनताले यो पाली फ्रेस क्यान्डिडेट खोजेका हुन् । आम मतदाताले कयौ. पटक कांग्रेस, एमाले, माओवादीलाई जिताएँ । परिणाम देखिनेगरी एउटा पनि गतिलो काम भएन । तसर्थ राप्रपाका युवा उम्मेदवार रिजाललाई यसपाली चुनाव जित्ने सुवर्ण अवसर देखिन्छ ।
