विराटनगर, कार्तिक ५
निरज बस्नेत
तिहारको आगमन आजबाट औंपचारिक रुपमा शरु भएको छ । धनतेरसमा आज मुलुकभर विविध सामाग्री किनेर यसलाई मनाउने चलन छ । मूलतः गरगहनामा बढी पैंसा खर्च गर्ने आम मानिसको बानी हुन्छ । धनलाई बढाउने विशेष पर्वको रुपमा धनतेरसलाई हेरिन्छ ।
सुन–चाँदीमा लगानी गर्नाले धन बढोत्तरी हुने आम बुझाई रहेको पाईन्छ । शास्त्रको हवाला दिदैं केही कथित व्यापारीले सुन नै किन्दा उत्तम हुने भ्रम फैलाएका छन् । वास्तवमा यथार्थ अर्के छ । धार्मिक किंवदन्तीकै कुरा गर्ने हो भने कुनै पनि ग्रन्थमा यकिन किटान गरी धनतेरसमा गरगहना नै किन्नुपर्छ भनी कहीकतै लेखिएको पाईदैंन । तरपनि छोटो समयमै धन आर्जन गर्ने राम्रो अवसरको रुपमा धनतेरसलाई सून तस्करी कथितधारीहरुले राम्रै लाभ लिएको देखिन्छ ।
यसमा वास्तवमा सूनका केही कथित व्यापारी कै संलग्नता हुने गरेको छ । हो, धनतेरसमा केही धन आर्जन हुने चिजविजमा लगानी गर्नु सकारात्मक पाटो हुनसक्छ । तर, यसका लागि दिर्घ असर पार्ने खालका क्षेत्रमा लगाानी गरी धनतेरसलाई बढावा दिन सकिन्छ ।
मूलतः धनतेरसमा आफ्नो स्वास्थ्यतर्फ विशेष जोड दिन सकिन्छ । होल वडी चेकजाँच गरी आफू स्वस्थ हुनुतर्फ ध्यान दिन सकिन्छ । किनकी स्वास्थ्य नै धन हो । शरीर स्वस्थ भएमा मात्र कमाएको धनले प्रतिफल पाउन सकिन्छ । यो कुरा यसै भनिएको होईन । पौराणिक ग्रन्थहरुमा उल्लेख गरिएको वास्तविक कुरा हो । अर्कोतर्फ घर–घडेरीमा लगानी गर्न सकिन्छ । स्टक मार्केट, शेयरमा लगानी गर्दा हुन्छ । बैंकमै फिक्स डिपोजिट गर्दा उत्तम हुन्छ ।
