निरज बस्नेत
बर्जु, पुष २०
बर्जु सामुदायिक विकास केन्द्र बर्जु ६ चिमडी सुनसरीको आयोजनामा चौथो बर्जु महोत्सवको तयारी अन्तिम चरणमा पुगेको बर्जु सामुदायिक विकास केन्द्रका अध्यक्ष श्रवण चौधरीले बताएँ ।
चौधरीका अनुसार यो महोत्सव बर्जु ताल एरिया १ नं. गेट छेउमा आउँदो पुष २२ देखी माघ ३ गतेसम्म लाग्नेछ ।
बर्जुको चिमडीमा लाग्ने यो महोत्सवमा दर्जनौ कलाकारहरुको जोडदार प्रस्तुती रहने कुराको जानकारी समेत अध्यक्ष चौधरीले दिएँ । उनका अनुसार कलाकारको जम्वो टोलीमा, मोडल प्रिती पासवानको मुख्य प्रस्तुती रहने छ ।
साथमा, ज्योती मगर, संदीप क्षेत्री, सविना श्रेष्ठ, सुस्मिता श्रेष्ठ, रागिनी चाम्लिङ राई, रोजिना राना मगर, प्रकाश माझी, जिवन चौधरी, राजेन्द्र चौधरी, देवकृष्ण विश्वास, प्रेम गनगाई, मुस्कान चौधरी,लगायतको धमाकेदार प्रस्तुती रहने छ ।
महोत्सवको आकर्षणको रुपमा, कुस्ती खेललाई समेत समावेश गरिएको, आयोजक समितिका अध्यक्ष चौधरीले जानकारी गराएका छन् । अध्यक्ष चौधरीका अनुसार, नेपाली तथा भारती पहलमानहरुको सहभागितामा कुस्ती खेल संचालन गरिनेछ ।
जसअन्र्तगत, नेपाली पहलमानहरुमा, देवा थापा, पारस थापा, वसन्त थापा, शंकर थापा, लगायत हुनेछन् ।
भारतीय पहलमानमा, बाबा फकिर र शैतान सिंहको सहभागिता रहने समेत चौधरीले बताएका छन् ।
