निरज बस्नेत
विराटनगर, इटहरी, माघ ४
राजश्व अनुशन्धान ईकाई कार्यालय इटहरीको टोलीले बुधवार विराटनगरको नारायण स्टोर र अम्विका बस्त्रालयमा छापा मारेको छ । साथमा महत्वपूर्ण कागजात समेत नियन्त्रणमा लिएर गएको छ ।
राजश्व अनुशन्धान ईकाई कार्यालय इटहरीका सुचना अधिकारी एवं अधिकृत विनोद पोखरेलका अनुसार अवैध कारोवार गरेको सुचनाका आधारमा छापा हानेर कागजात नियन्त्रणमा लिएको हो ।
नन्दु किशोर तापडिया र किसन तापडियाले संचालन गरेको नारायण स्टोर भारतको जोगवनीमा समेत रहेको छ । खुल्ला सिमाको फाइदा उठाउँदै भन्सार छलेर कपडा भित्र्याएको आरोप उक्त स्टोरलाई लाग्दै आएको छ । यस्तो कार्यमा अम्विका बस्त्रालयको समेत हर्कत देखिदै आएको छ । यसका संचालक प्रदीप अग्रवाल हुन् ।
विगत झै आज पनि राजश्वको टोलीले व्यवसायिक घरानालाई निशाना बनाउँदै छापा मारेको छ । पछि बार्गेनिङमा कुरा मिलाएर घटनालाई छामछुम पार्ने गरिएको विगतको कामले देखाउँदै आएको पाइन्छ । यही तितो यथार्थ हो ।
तर, अव त भाे,े अति भो, आखिर यो हद कहिलेसम्म भन्दै विराटनगरका धेरैजसो व्यसायीहरु आक्रोसित भएको देखिएको छ ।
वास्तवमै गल्ती देखिएको छ भने जो कोहीपनि कानुनको दायरामा आउँनैपर्छ र कार्वाहीको भागीदार बन्नैपर्छ । अनि राजश्वको काम स्क्याण्डलको नाममा चर्चा बटुल्ने नभएर वास्तवमै काम नै हुनुपर्यो ।
