विराटनगर, साउन १९ । राष्ट्रिय परीक्षा बोर्डले सार्वजनिक गरेको कक्षा १२ को नतिजामा विराटनगरस्थित अरनिको आवासीय माध्यमिक विद्यालयले उल्लेखनीय सफलता हासिल गरेको छ। विज्ञान संकायतर्फ अरनिको विद्यालय राष्ट्रिय स्तरमै अग्रणी स्थानमा छ।
कोशी प्रदेश लगायत समग्र देशका शैक्षिक संस्थाहरूको तुलनामा अरनिको विद्यालयले उत्कृष्ट शैक्षिक उपलब्धि हासिल गरेको छ। विद्यालयका छात्र राकेश कुमार साह र छात्रा तेजस्वी आचार्यले ३.९६ ग्रेड पोइन्ट एभरेज (जिपिए) प्राप्त गरी उच्चतम स्थान हासिल गरेका छन्।
विद्यालयका प्रधानाध्यापक राजेश कार्कीका अनुसार ७९ जना विद्यार्थीहरूले ३.६ जिपिए वा सोभन्दा माथिको उत्कृष्ट नतिजा प्राप्त गरेका छन् ।
