०२ मंसिर २०८३, मंगलबार
17-11-2026 , Tue
Gold Silver Price (Kartik 23, 2083, Mon)
Fine Gold 1 Tola NRs. 284800
Silver 1 Tola Nrs. 3320

पिउने पानीकाे संरचना बनाउने तयारीमा महेन्द्र मोरङ क्याम्पस, दाताद्वारा योजनामा हस्ताक्षर

Logo
काैशल निराैला

विराटनगर,२१ साउन । महेन्द्र मोरङ क्याम्पस विराटनगरका ११ हजार विद्यार्थीलाई पानी खुवाउने योजनामा हस्ताक्षर भएको छ । पूर्व विद्यार्थी तथा विराटनगरका उद्योगी तथा समाजसेवीहरुको सहयोगमा यो योजना बनेको हो ।  हालै मात्र महेन्द्र मोरङ क्याम्पस विराटनगरमा भएको एक भेलाका बीच उक्त योजनामा हस्ताक्षर भएको छ । यस योजना अन्तगत क्याम्पस  परिसर भरी पानी वितरण इकाइहरु बन्ने भएको छ ।

जसका लागि उद्योगी तथा समाजसेवी महेशकुमार,आनन्द कुमार जाजुद्वारा आफ्ना स्व. पिता रामानन्द जाजु र स्व.माता हरिपियारी जाजुको संझनामा साथै देवेनरा मुन्दडा परिवारद्वारा आफ्नो माता स्व. जमुना महेश्वरी राठीको स्मृतिमा, पवन सारडा र मोरङका प्रमुख जिल्ला अधिकारी प्रेम प्रसाद भट्टराई लगायतले खानेपानीको लागि वितरण इकाई, ट्याङ्की तथा त्यसका लागि आवश्यक सामाग्री खरिद तथा निर्माण गर्नेगरी संझौता भएको छ ।

यस कार्यका लागि पूर्व विद्यार्थीहरु भीम पराजुली,भीम घिमिरे लगायतले विशेष सहयोग,सहजीकरण गरेका छन् । शुद्ध खानेपानी अभावमा विद्यार्थीले पाएको सास्ती समाधान गर्न धेरै लामो समयदेखि छलफल हुदै आएपनि समस्या समाधान हुन सकेको थिएन । निर्माण दाताहरुमा सक्रियता देखिएपछि यसले मुर्तरुप पाउने अपेक्षा गरिएको छ ।

यो केही वर्षभित्रै सम्पन्न हुने लक्ष्य राखिएको छ । संझौता कार्यक्रममा स्ववियु पूर्व सभापति तथा कांग्रेस केन्द्रीय सदस्य भीम पराजुलीले सहयोगी कार्यमा जुट्नुहुने मनहरूलाई धन्यवाद दिएका छन् । यस्तै उद्योगी महेश जाजुले शैक्षिक क्षेत्रको धरोहरमा आफुले सहयोग गर्नपाउदा खुसी भएको बताए ।

त्यस्तै उद्योगी प्रकाश मुन्दडाले क्याम्पसका विद्यार्थीले यो जमानामा पनि शुद्ध खानेपानि खान नपाउनु विडम्बनाको विषय भएको र यसलाई समाधान गर्न आफु जागरुक भएको बताए । क्याम्पस प्रमुख डा.रामावतार शरणले क्याम्पसका सवै भौतिक पूर्वाधारहरुमा पुन निर्माणको आवश्यकता रहेको औल्याए । कार्यक्रममा उद्योगी भीम घिमिरे,डा.मोहन सुवेदी,कांग्रेस युवा नेता अरुण न्यौपाने,कृष्ण कार्की,लोकेन्द्र तिम्सिना,राजकुमार मण्डल लगायतको उपस्थिती रहेको थियो ।

कमेन्ट गर्नुहोस्
सम्बन्धित

काठमाडाै‌, कार्तिक २४ ।  नेपाल संवत् ११४७ आज देशभर विविध कार्यक्रमसहित मनाइँदै छ। नेवार समुदायले यस दिनलाई नयाँ वर्षका रूपमा मनाउँदै म्हः (आत्म) पूजा पनि गरिरहेका छन्। काठमाडौंको वसन्तपुरमा नेवार समुदायका मानिस भेला भई बाजागाजासहित पर्व मनाएका छन्। इतिहासअनुसार राष्ट्रिय विभूति शङ्खधर साख्वाले विसं ९३७ (इसं ८८०) मा गरिब जनताको ऋण मोचन गरेपछि नेपाल संवत् […]

काठमाडाै‌, कार्तिक २४ । राष्ट्रिय स्वतन्त्र पार्टी (रास्वपा) का उपसभापति तथा अर्थमन्त्री डा. स्वर्णिम वाग्ले अमेरिकी पत्रिका टाइमको १०० प्रभावशाली व्यक्तिको सूचीमा परेपछि पार्टीले उनलाई बधाई दिएको छ। महामन्त्री विपिनकुमार आचार्यले जारी गरेको विज्ञप्तिमा जलवायु वित्त परिचालन, स्रोत व्यवस्थापन र अन्तर्राष्ट्रिय प्रणालीगत सुधारमा वाग्लेले देखाएको नेतृत्वलाई नेपालका लागि महत्त्वपूर्ण भनिएको छ। विज्ञप्तिअनुसार रसुवा/भोटेकोशी बाढीपछि वाग्लेको […]

काठमाडौं, १९ कात्तिक। पदबाट हटाइएको भन्दै निवर्तमान प्रहरी महानिरीक्षक (आईजीपी) दानबहादुर कार्कीले सर्वोच्च अदालतमा रिट निवेदन पेस गर्न पुगेका छन्। उनको रिट बोकेर केही समयअघि वकिलहरू सर्वोच्च पुगेका हुन्। सरकारले  कार्कीलाई आईजीपीको जिम्मेवारीबाट हटाई प्रधानमन्त्रीको सुरक्षा सल्लाहकारमा नियुक्त गरेको थियो। आफूमाथि अन्याय भएको दाबी गर्दै उनी अदालतको शरणमा पुगेका हुन्। अदालतको प्रशासनिक प्रक्रिया पूरा भएपछि […]