सावधान: सेयर बजार जोखिमपूर्ण क्षेत्र भएकोले लगानी गर्नुअघि गहन अध्ययन गर्नुहोस् । कुनै ब्रोकर, व्यक्ति, समाचार वा बजारमा चल्ने होहल्लाको भरमा लगानी गर्दा अत्यन्त जोखिमपूर्ण परिणाम भोग्नुपर्ने हुन सक्छ।
विराटनगर, माघ २६ । विराटनगरमा शुभकामना सेक्युरिटिज प्रालिले आफ्नो पहिलो शाखा सोमबारदेखि सञ्चालनमा ल्याएको छ। विराटनगर-२ शनिहाटमा स्थापित यस शाखाले सेयर बजारसम्बन्धी सम्पूर्ण सेवाहरू एकै छानामुनि उपलब्ध गराउने लक्ष्य लिएको छ।
शाखा उद्घाटन कार्यक्रममा कम्पनीका सञ्चालक विनित अग्रवालले आधुनिक समयमा तलब वा अनिश्चित आम्दानीले मात्रले जीवन धान्न कठिन हुने भन्दै सेयर बजारप्रति सचेत भई लगानी गरेमा सेयर मार्केटबाट पनि राम्रो आम्दानी गर्न सकिने विचार व्यक्त गरे। “सेयर बजार अब केवल ठूलो लगानीकर्ताका लागि मात्र होइन, स-साना आम्दानी गर्ने व्यक्ति तथा नयाँ लगानीकर्ताका लागि पनि उपयुक्त क्षेत्र बन्न सक्ने सम्भावना बोकेको छ,” अग्रवालले भने। उनका अनुसार, कम्पनीमा २५ सयभन्दा बढी सेयर कारोबारीहरूले सेवा लिइरहेका छन्।
७१ नम्बर ब्रोकरको रूपमा चिनिने शुभकामना सेक्युरिटिजले आफ्नो शाखामा ट्रेडिङ रूम, लाइभ मार्केट प्रोजेक्ट स्क्रिनिङ, कन्सलटेन्ट रूम लगायतका सुविधाहरू उपलब्ध गराएको छ। बिहान ११ बजेदेखि ३ बजेसम्म यस संस्थामा लगानीकर्ताहरूको उल्लेख्य उपस्थिति रहने गरेको छ।
काठमाडाैं कन्द्रिय कार्यलय रहेकाे शुभकामना सेक्युरिटिजले २०२४ जुन १ देखि नेपाली शेयर बजारमा ब्रोकरको रूपमा प्रवेश गरेको थियो। यस कम्पनीमा २० करोडभन्दा बढीको पुँजी रहेको बताइएको छ। विराटनगर र आसपासका क्षेत्रका बासिन्दाहरूको सेयर बजारमा सहज पहुँच र वित्तीय सचेतना अभिवृद्धिमा यस शाखाले सकारात्मक योगदान पुर्याउने अपेक्षा गरिएको छ।
