काठमाडौ, असोज ११
नयाँ बानेश्वरका व्यवसायीले ‘हाम्रो बानेश्वर, राम्रो बानेश्वर’ मूल नाराका साथ बृहत् सरसफाइ अभियान सम्पन्न गरेका छन् । नयाँ बानेश्वर व्यापार व्यवसायी संघको नेतृत्वमा शनिबार शंखमूलबाट औपचारिक रुपमा सहर सरसफाइ अभियान सुरु गरिएको संघका अध्यक्ष रामशरण गिरीले बताए ।
कार्यक्रम उद्घाटन गर्दै काठमाडौं क्षेत्र नम्बर १ (क) का सांसद दीपेन्द्र श्रेष्ठले यस्ता अभियानले सहर सफा राख्न स्वयंलाई जागरुक बनाउने बताए । त्यस्तै अध्यक्ष गिरीले चाडपर्वलाई लक्षित गरी सुरु भएको सरसफाइ अभियानलाई बृहत अभियानको रुपमा अघि बढाइने समेत जानकारी गराए ।
संघका कोषाध्यक्ष रमेशमान शाक्यल यो अभियान जागरण अभियान भएकाले यसलाई निरन्तरता दिइने बताए । कार्यक्रममा काठमाडौं १० का अध्यक्ष रामकुमार केसी, ३१ का अध्यक्ष नारायणप्रसाद भण्डारी लगायत नयाँ बानेश्वर क्षेत्रका व्यापारी व्यवसायीको उपस्थिति थियो ।
