विराटनगर, असोज ३०
बिराटनगर राष्ट्रिय जनता पार्टी (राजपा)ले बिहिवार सांझ संघीय गृहमन्त्री राम बहादुर थापा बादलको पुतला दहन गरेको छ।

जनकपुर एयरपोर्टमा बुद्ध एयरको काउन्टरमा तोडफोड गरेको भन्दै प्रहरीले पक्राउ गरिएको राजपाका सांसद साहलाई बिना शर्त अबिलम्ब रिहाइको माग गर्दै राजपा नेता मो कादिरको नेतृत्वमा बिराटनगर को माहाबिरचोकमा पुतला जलाईएको हो। बिरोध सभालाई सम्बोधन गर्दै राष्ट्रिय बिद्यार्थी संघका संयोजक बिपुल झाले जनप्रतिनिधिले जनताको दुखलाई बुझेर गरेको कार्य सराहनीय रहेको भन्दै सरकार पक्षले गरेको निन्दनीय कार्यको घोर भत्सना गर्दै साहलाई बिना शर्त अबिलम्ब रिहाई नगरे जस्तो सुकै कडा आन्दोलन गर्ने चेतावनी दिनु भयो।

ADVERTISEMENT

बिरोध कार्यक्रमका संयोजक मो.कादिरले राज्यले जनताको दुख मर्म नबुझ्ने अनि आबाज उठाउनेलाई विभिन्न बहानामा दन्ड सजाय दिने यो सरकारको राबैयालाई अब जनताले कुनै हालतमा नस्विकार्ने बताउनु भएको छ। उनले साहलाई बिना शर्त अबिलम्ब रिहा नगरे कडा भन्दा कडा आन्दोलन गर्ने चेतावनी  समेत दिए  । बिरोध कार्यक्रममा केन्द्रिय सदस्य तबरेज हक , नगर अध्यक्ष बिनोद गुप्ता, बिद्यार्थी नेता धर्मदेब साह९सिक्कु० लगायत नेताहरुको उपस्थिति रहेको थियो।