विराटनगर, कार्तिक १५
चिकित्सकको लापरबाहीले बिरामीको मृत्यु भएको भन्दै विराटनगरको विराट नर्सिङ होममा बिहिवारबाट शुरु भएको आन्दोलन र नाराबाजी अझै रोकिएको छैन ।
समान्य अवस्थामा अस्पताल भर्ना भएकी दुहबी ८ स्थित नरिणगंज बस्ने २० वर्षीय रमिला कार्की घिमिरेको मृत्यु भएपछि मृतकका आफन्तले अस्पतालमा बिहीवार प्रद्धशन गरेका थिए । रमिलाको मृत्य कसरी भयो भन्ने विषयमा अस्पतालबाट चित्त बझ्दो जफाव नआएपछि शुक्रवार पनि मृतकको आफन्तले आन्दोलन र नारावाजीलाई जारी राखेका छन् ।
मृतकका आफन्तका अनुसार
डेलिभरीका लागि विराट मेडिकल कलेज एण्ड टिचिङ हस्पिटल टंकीसिनवारीमा सोमबार राती २ बजे भर्ना भएकी रमिला कार्कीले नर्मल प्रसूतिमार्फत् बिहान ८ बजेर ५ मिनेटमा बच्चालाई जन्म दिएकी थिईन् । बच्चा जन्मिएपछि ४ घण्टासम्म उच्च रक्तश्रावका कारण महिलाको अवस्था गम्भीर बनेको थियो । बिरामीको बिग्रँदो स्वास्थ्य अवस्था हेरेरे अस्पतालमा जानकारी गराउँदा पनि कुनै सुनुवाई नभएको बिरामीकी जेठानी सुनैना घिमिरेले बताईन । उनीले रोई कराई गरेर डाक्टरसँग बिरामी बचाईदिन आग्रह गर्दा डा. ज्ञानेन्द्रमान सिंह कार्कीले लगायतको टोलीले मनोमानी ढङगबाट शल्यक्रिया गरेर बिरामीको पाठेघर फालेकोे घटना सुनाईन । उनीले पाठेघर फालेको बिषयमा बिरामीबारे थप जानकारी लिन खोज्दा डाक्टर ज्ञानेन्द्रमान सिंह कार्कीले अपशब्द प्रयोग गर्दै आफुलाई गाली बेईज्जती समेत गरेको बताईन ।
यता बिरामीका श्रीमान लालबहादुर घिमिरेले बिरामीको अवस्था थप गम्भीर भएको बताउँदै बिरामीलाई लापरबाही पुर्ण तरिकाले विराट मेडिकल कलेजबाट विराट नर्सिङ होममा सारिएको बताए । उनले गत बुधबार नै बिरामीको मृत्यु भईसक्दा पनि अस्पतालले भने बिहीबार बेलुका मात्रै मृतक घोषणा गरेको गुनासो गरे । उनले अस्पतालले श्रीमतीलाई मृतक घोषणा गरिसक्दा पनि बच्चाको बारेमा आफुलाई केही जानकारी नभएको बताए ।
यस बिषयमा डाक्टर ज्ञानेन्द्रमान सिंह कार्की वा अस्पताल प्रशासनले भने केही बोल्न मानेको छैन । विराट नर्सिङ होम, यसअघि पनि धेरै पटक लपारवाहीको कारण विरामीको ज्यान गएर विवादमा तानिसकेको छ ।
यसै अस्पतालमा तिन वर्षअघि एक विरामीले अस्पतालको चर्को फि तिर्न नसकेर अस्पतालको छतवाट हाम फालेर आत्महत्या गरेका थिए । २०७३ कर्तिक १६ गते सुनसरी, कुसाहाका २५ वर्षीय अनुज विश्वासले उपचारपछि इलाज खर्च सुनेर अस्पतालको तस्रो तल्लाबाट हाम फाली आत्माहत्या गरेका थिए ।
