कात्तिक २१, विराटनगर
विराटनगरमा ग्रामीण भेगका महिलाहरुलाई लक्षित गर्दै सञ्चालनमा आएको ३ महिने सीपमुलक तालिम बिहीबार सम्पन्न भएको छ ।

रोटरी क्लब अफ विराटनगर डाउन टाउन र एबीसी नेपालको संयोजकत्वमा गत भदौदेखि सञ्चालनमा आएको ब्युटीसियन र सिलाई कटाई सम्बन्धित कोर्षको तालिमबाट ५० जना महिलाहरूले आधारभुत र सौन्दर्यता सम्बन्धी सीप लिई आत्मनिर्भर भएकी छिन । नि:शुल्क रुपमा हुँदै आईरहेको उक्त तालिममा बिशेष गरी ग्रामीण भेगका महिलाहरु सहभागी थिए । तालिममा सहभागी सबै महिलाहरूलाई प्रमाणपत्र समेत वितरण गरिएको छ ।

महिलाको हैसियत घरको काममा सिमित हुन्छ भन्ने सोच राख्नेहरुका लागि यी महिलाहरुमा आफुले पनि केही गरेर देखाउन सक्ने साहशको सिर्जना भएको एबीसी नेपालकी अध्यक्ष बिष्णु पन्त आचार्यले बताईन । उनीले तालिममा सहभागी सबै महिलाहरु अब बदलिँदो युगसँग पाईलामा पाईलामा मिलाएर हिँडनसक्ने योग्य भएको जिकिर गरिन । सोही अवसरमा डाउन टाउनले एबीसी नेपाल मोरङ्गलाई २ वटा सिलाई मेशिन हस्तान्तरण गरेको छ ।

तालिमको समापन कार्यक्रममा भने एबीसी नेपालकी अध्यक्ष बिष्णु पन्त आचार्य, महासचिव कविता बस्नेत, रोटरी क्लबका असिस्टेन्ट गभर्नर भैरव रिजाल र डिस्ट्रिक एडभाईजर बेनी गोपाल मुन्दरा लगायतको उपस्थिति रहेको थियो ।

तपाईको प्रतिक्रिया