दिनेश खड्का
काठमाडौं, पुष १०
काठमाडौं महानगरपालिका अन्तर्गत न्युरोडस्थित आरबी कम्पेलेक्सका कपडा होलसेल व्यापारीहरुले व्यापाक कर छली गर्ने गरेको पाईएको छ । उनीहरुले नेपालका विभिन्न ठाँउका खुद्रा व्यापारीहरुलाई लत्ताकपडा बेचबिखन गर्दा कम मुल्यको बिजकहरु जारी गरी कर छल्ने गरेको पाईएको हो । न्युरोड लगाएत काठमाडौंका अन्य स्थानहरुमा पनि यस्ता खाले कर छलीको कारोबार हुने गरेको स्रोतको दाबी छ । स्रोतका अनुसार होलसेल व्यापारीहरुले जारी गर्ने बिलमा समानको मुल्य ७० प्रतिशत भन्दा कम हुनु गरेको पाईएको छ । त्यसो गर्दा होलसेल व्यापारीहरुले ७० प्रतिशतसम्म कर छली गर्न मौका पाउदछन् । जनचर्चालाई प्राप्त केही त्यस्ता बिलहरुमा समानहरुको मुल्य अपत्यारीलो छ । प्राप्त बिलहरुमा ज्याकेटको २१० रुपैयाँ, बिनकल टिर्सट (भेष्ट) ८५ रुपैयाँ, विन्ड चिटर ३२५ रुपैयाँ, टाउजर १२० रुपैयाँ, जम्फर ४०० रुपैयाँ मुल्य उल्लेख भएको पाईएको छ । जुन असली समानको मुल्यभन्दा ७० प्रतिशत कम हो र किन्ने खुद्रा व्यापारीलाई पनि ७० प्रतिशत कमकै बिल दिइने गरेको पाईएको छ ।
१ लाख बराबरको एक बिलमा उनीहरुले १० हजार रुपैयाँ सम्म कर छली गर्ने गरेका छन् । एक वर्षभरीमा ठुला व्यापारीले दशऔं हजार बिल काट्ने गर्दछन् । यसरी हेर्ने हो भने उनीहरुले वर्षभरीमा राज्यलाई करोडौंको राजस्व छली गर्ने गरेका छन् ।
स्रोतका अनुसार काठमाडौंका व्यापारी आनन्द भोपालक कर छली गर्ने अब्बल सुचीमा छन् । उनी कर छली गरेर विगतका केही वर्षमै काठमाडौंको हाईप्रापईल एरिया घरघडेरी जोड्न र बैंकमा करोरडौं बैंक व्यालेन्स डिपोजिट गर्न सफल भईसकेका छन् । दाजुको व्यापार चम्कीएपछि उनका भाई अरुणले पनि काठमाडौंमा यही धन्धा शुरु गरिसकेका छन् ।
न्युरोडमै राजस्वको कार्यलयको शाखा रहेता भने उक्त विषयमा भने कार्यलय बेखबर रहेको छ ।
