विराटनगर, पुष १३
स्टकका जुत्ता चप्पल बेचबिखन गरेको आरोप खेपीरहेको विराट जुत्ता चप्पल मेलाले बिक्रि बितरण प्रणालीमा व्यापक सुधार ल्याएको छ । केही समयदेखि संचार माध्यममा आईरहेको नकारात्मक समाचारहरु प्रति मेला व्यवस्थापन समितिको गम्भिर ध्यानाकर्षण भएको भन्दै आवश्यक सुधारको लागी कदम चालिएको व्यस्थापन पक्षको भनाई छ ।
व्यवस्थापन समितिका प्रतिनिधि ओमप्रकाश घिमिरेका अनुसार स्टकको जुत्ता चप्पल बेचबिखन भईरहेको समाचार आएपछि, मेलामा सहभागी सबै ब्राण्डका जुत्ताचप्पल स्टलहरुलाई गुणस्थरीय समानहरु मात्र बेचबिखन गर्न सर्कुलर जारी गरिएको बताए । त्यस लगतै दैनिक रुपमा मेला व्यवस्थापन समितिले गुणस्थिरय मालसमान बेतबिखन भईरहेको छ/छैन बारे निरिक्षण समेत गरिरहेको घिमिरे बताउछन् ।
मेला व्यवस्थापन समितिले जुत्ताचप्पल बेचबिखनमा सुधार ल्याएसँगै मेलामा जुत्ता–चप्पल किन्ने आउनेहरुको शंख्या पहिला भन्दा धेरै बढेको छ । मेलामा हाल मोरङ, सुनसरी लगाएत प्रदेश १ को विभिन्न जिल्लाका ग्राहकहरु जुत्ता चच्पल किनमेलका लागी आईरहेका छन् । त्यस बाहेक विराटनगरसँग सिमा जोडिएको भारतका विभिन्न क्षेत्रको मानिहरुको जुत्ता चप्पल मेलमा चहल पहल बढेको छ ।
मेलामा शिखर शु, वि.एफ डियर शु, शु लेण्ड, लैण्ड वाक, हाईलाइफ शु, रन श्ु ब्राण्डका जुत्ताचप्पलहरु विक्रिवितरणको लागी राखिएको छ । उक्त जुत्ताचच्पल मेलाको आयोजना नेपाली जुत्ता घरले गरिरहेको छ । नेपाली जुत्ता घरले नेपालको विभिन्न सहरमा यस्तो खाले मेला वर्षेनी आयोजना गर्ने गरेको छ । उक्त मेला पुष मसान्तसम्म विराटनगरको जैनभवनमा जारी रहने मेला व्यवस्थापन समितिले जनाएको छ ।
