विराटनगर, माघ १२
तराईमा बढ्दै गएको जाडोको प्रकोपलाई मध्यनजर गर्दै मानव सहयोगी हातहरु नामक सामाजिक संस्थाले मोरगको विभिन्न स्थानहरुमा न्यानो कपडा वितरणको कार्यलाई तिब्रता दिएको छ
संस्थाले शनिबार (माघ ११ गते) विराटनगर ८ विश्वकर्मा चौकका ज्येष्ठ नागरिक तथा विपन्न वर्गलाई १२० थान कब्बल विरतण गरेको छ ।
संस्थाले यसअघि (पुष २१ गते) मोरङ्गको रतुवामाई नगरपालिका १ स्थित सोनापुरमा बसोबास गर्दै आएका गरिब तथा विपन्न वर्गका नागरिकहरुलाई न्यानो कम्बल र ज्याकेट वितरण गरिएको थियो । जसमा बालबालिकालाई १ सय ५० थान ज्याकेट र वृद्ध–वृद्धाहरुलाई १ सय थान कम्बल वितरण गरिएको थियो ।
त्यस अघि पनि उक्त संस्थाले विराटनगरको आशोक चोकमा गरिब तथा विपन्न वर्गलाई ६० थान कम्बल वितरण गरिसकेको छ । त्यस्तै हाटखोलाका सुकुम्बासीलाई १ सय थान कम्बल तथा बालबालिकालाई ८० थान ज्याकेट संस्थाले वितरण गरिसकेको छ ।
शनिबार (माघ ११ गते) विराटनगरको विश्वकर्मा चौकमा भएको न्यनो कपडा वितरण कार्यक्रममा वोल्दै संस्थाका अध्यक्ष सुमन कालिकोटेले युवाहरुलाई समाजिक कार्यमा उत्प्रेरित गर्न आफु अग्रसर रहेको बताए । उनले भने “समाजमा छरिएर बसेका युवाहरुमा हामीबाट पनि केही सकारात्मक सन्देश जाओस्, सबै युवा समाजिक कार्यमा जुटुन भन्ने हाम्रो ध्येय हो ”
त्यस्तै कार्यक्रममा बोल्दै संघिय सासंद अमनलाल मोदीले विकास तथा समाजिक काममा आफु कहिल्यै पछि नहट्ने र हेरक समाजिक कार्यमा आफ्नो सहभागीता रहेन प्रतिबद्धता व्यक्त गरे ।
सहभागी संस्थाका सल्लाकार समितिका अध्यक्ष प्रा.डा. रमेश प्रसाद अधिकारले समाजिक कार्य नै सबैभन्दा ठुलो धर्म हो र समाजिक कार्य गर्दा देवीदउतालाई पुजे भन्दा बढी धर्म प्राप्त हुने धारणा व्यक्त गरे ।
समाजसेवी ज्ञान ब.कार्की, समाजसेवी खडानन्द बास्तोला, ने.क.पा. क्षेत्र नं ४का संयोजक बाबुराम काकी, नेकपा महानगर कमिटिका सचिवालय सदस्य ज्ञानु भट्राई, नेकपा महानगर सचिवालय सदस्य सरसवती ओझा , सदस्य शिव आर्चाय, संस्थाका सल्लाहकार समितिका उपाध्यक्ष बासु नेपाल, सचिव ताजिम अंसारीको सहकार्यमा उक्त न्यानो कपडा वितरण कार्यक्रम सम्पन्न भएको थियो ।
