विराटनगर, चैत ४
आर्थिक बर्षको अन्त्यमा धमाधम ठेक्का लागाउने प्रवृतिलाई प्रदेश १को सरकारले अन्त्य गर्ने घोषणा गरेको छ । प्रदेशका आर्थिक मालिला मन्त्री इन्द्र आङ्बोले नितिगत रुपमा नै प्रदेश सरकारले उक्त समस्याको समाधान गर्न लागेको बताएका छन् । त्यसका लागी चैत महिनापछि कुनैपनि विकास निर्माणका आयोजनाको टेण्डर नलगाउने र योजनाहरुको सम्झौता समेत नगर्ने सरकारको निति रहेको मन्त्री आङ्बाको भनाई छ ।
असारे बजेटका रुपमा वर्षको अन्त्यतिर ठेक्का लगाउने प्रवृतिले गुणस्तरीय काम हुन नसक्ने प्रदेश सरकारको विशलेषण छ । संघियता कार्यन्यवनपछि पनि असारे बजेट पास हुने प्रवृतिको अन्त्य नभएको जनस्थरबाट गुनासो आएपछि उक्त कदम चालिएको मन्त्री आङ्बाले बताएका छन् । उनले बहुबर्षीय आयोजनाहरुको हकमा भने योे नियम लागू नहुने बताएका छन् ।
