तिम्रो लत

✍मनु बुढाथोकी

हरे । कति चर्को हो यो तिम्रो लत ।।
रिस, राग, झै–झगडा र
दिनहँुको मन–मुटाव,
फेरि पनि, कति चर्को हो यो तिम्रो लत ।

हावाको वेगसँगै आयौ कि कसो हो,
छिनमै अलप भई हराउछौं
फेरी छिनमै देखा परे झैँ गर्छौं,
हरे । कति चर्को हो यो तिम्रो लत ।

शुकिला–मुकिला कोसौँ टाँढाका सुगान्धित
थरि–थरिका मानिको ठुलो भिड
तर यो मन त कहिले त्यता सरेन खै,
हरे । कति चर्को हो यो तिम्रो लत ।

मौनतामा डुवेको यो जीवनको तरङ्ग फैलाउन
घामको झुल्को सँगै उदाउन नखोजेको कहाँ हो र ।
निभेको दियोलाई तेल थप्न छोडी यसै फरार
हुने तिमीलाई, जलाइरहन भने सकिन,
फेरी पनि, कति चर्को हो यो तिम्रो लत।