विराटनगर, वैशाख १७
विराटनगरको “शिव मन्दिर युवा समुह”ले करिव एक महिनादेखि नगरका गरिब तथा सुकुम्बासीलाई निःशुल्क भोजन विरतण गर्दै आएका छन् । अभियान्ता नारायण बराल, नवीन बिक्रम शाह, गणपत मित्रुका, बिनोद श्रेष्ठ र बिनय अग्रवालको अग्रसरतामा उक्त पारोपकारी कार्यको थालनी भएको हो ।
उक्त समुहले विराटनगरका १ सय ५० गरिब परिवारलाई दैनिक निशुल्क भोजन वितरण गर्दै आएका छन् । त्यसबाहेकपनि विराटनगरको नोबल तथा बिराट टिचिङ अस्पतालका ६ सय विरामी कुरुवालाई नियमित भोजन प्रादन गर्दै आएको अभियान्ता नारायण बरालले बताए ।
खानामा झाेल तरकारी तथा फ्राई राईस दिनेको गरेको बताईएको छ । उक्त अभियान लकडाउन रहुन्जेल संचालन हुने बरालको भनाई छ ।
