विराटनगर, जेठ १५
ट्रान्स नेपाल नामक एक निजी कम्पनीले विराटनगरकाे बुदनगरमा भर्खरै निमार्ण भएको एकिकृत भन्सार जाँच चौकी (आईसीपी)काे गोदाम तथा अन्य संरचनाहरु गैर-कानुनी ढंगले भाडामा लगाएको छ । उक्त कम्पनीले कुनैपनि खाल्को आईसीपीसँग ठेक्का-सम्झौता नगरी आईसीपीकाे गोदामहरु भाडामा लगाएको बुझिएको छ । ट्रान्स नेपालले विराटनगरकै रानीमा रहेको पुरानो भन्सार कार्यलयसँग भएको ठेक्का सम्झौता देखाउदै नँया बनेको आईपीको गोदामहरु भाडा लगाएको स्रोत बताउँदछ ।
स्रोतको प्रश्न छ “ट्रान्स नेपालले पुरानो भन्सार कार्यलयमा रहेका गोदामहरु ठेक्का पाएका हाे , सोही ठेक्का सम्झौताको आधार नयाँ आईसीपीको गादामहरु भाडामा लगाउन कसरी मिल्छ ?” उनले थपे “यसलाई यसरी बुझौं, कोेही व्यक्तीकोे दुइटा घर छः एउटा पुरानो र एउटा भर्खरै बनेको ब्राण्ड न्यू घर, अब उसका पुराना घरका भाडेदारले आएर पुरानै घर भाडाको सम्झौताको आधारमा नयाँ घरमा डेरा जमाउन मिल्छ ? नयाँ घरमा बस्नका लागी घरधनीसँग नयाँ सम्झौता गर्नुपर्यो वा पुरानै घरमा चित्त बुझाउनु पर्यो होइन त ?”
त्यति मात्र नभई ट्रन्स नेपालले आफ्ना निकटका केही गिनेचुनेका भन्सार ऐजन्टहरुलाई मात्र कार्यलय संचालन लागी नयाँ आइसीपीमा कोठाहरु उपलब्ध गराएको बुझिएको छ । त्यसबापत ति एजेन्टहरुले नयाँ आईसीपीका गोदामहरु गैरकानुनी ढंगले भाडा लागउने काममा ट्रान्स नेपालको सहयोग गरिरहेका छन् । त्यससँगै ट्रान्स नेपालले नयाँ आईसीपीमा रहेको डिस्पेसरी (स्वास्थ चेकजाच गर्ने किलिनिक) समेत व्यापारीक प्रयोग लागी व्यापारीहरुलाई भाडा लगाएको खुलासा भएको छ । उक्त गैर कानुनी ढंगले भईरहेको कामको अधिकासं भन्सार एजेन्ट अहिले विरोध गरिरहेका छन् र यो वेथितिको अन्तय नभएसम्म पछि नहट्न उनीहरुले प्रतिक्रिया दिएका छन् ।
ट्रान्स नेपालले ढुवनी, गाेदम तथा भन्सारसँग संबिनि्धत अन्य सेवाहरु व्यापारीलाइ दिदै आएकाे छ । ट्रान्स नेपाल कम्पनीका संचालक विराटनगरका उद्योगी मुकेश राठी हुन् ।
गरैकानुनी रुपमा ट्रान्स नेपालले कब्जा गरेकाे भन्सारकाे गाेदामहरुकाे बारेमा भन्सारले कुनै प्रतिक्रिया जनाएको छन्, भन्सार प्रमुख शिव भण्डारी यस विषयमा मौन छन् ।
