२० आषाढ २०८२, शुक्रबार
04-07-2025 , Fri
Gold Silver Price (12 ASAR 2082, THUR)
Fine Gold 1 Tola NRs. 192800
Silver 1 Tola Nrs. 2190

जनस्तरबाटै लकडाउनको विरोध, जेठ २१ गतेबाट लकडाउन नटर्ने

Logo
प्रकाशित आइतबार, जेठ १८, २०७७

काठमाडौं, जेठ १८
जेठ ३२ गतेसम्म लकडाउन लम्बियाउने सरकारको निर्णयको व्यापक विरोध हुन थालेको छ । दुई महिनाभन्दा बढी लकडाउन हुँदापनि कारोना रोकथामका लागी सरकारले खासै प्रभावकारी कदम नचालेको भन्दै लकडाउन थप्ने निर्णयको जनस्तरबाटै विरोध हुन थालेको हो । हालसम्म गरिएको कोरोना परिक्षणको शंख्या समेत अत्याधिक न्युन भएको भन्दै, अब सरकारको भरोसा गर्न नसकिने आम जनताको धारणा छ ।
सरकारको निर्देशनको पालना गर्न नसकिने भन्दै मुलुकभरिबाट विभिन्न पेशा तथा क्षेत्रमा आवद्ध व्यक्ति तथा संघसंस्थाले जेठ २१ बाट लकडाउनको अवज्ञा गर्ने चेतावनी समेत दिईसकेका छन् । कतिपय संगठनहरुले संस्थागत निर्णयनै गरी जेठ २१ गतेबाट लकडाउन अवज्ञा गर्ने घोषणा गरिसकेका छन् । निजी विद्यायलहरुको छाता संगठन प्याबसनले जेठ २१ गतेबाट विद्यालय संचालनमा ल्याउने निर्णय समेत गरिसकेको छ । जेठ २१ गतेबाट विद्यालयको प्रशासनिक विभागहरु संचालन गरिने र त्यसलागतै कक्षाहरु समेत संचालानमा ल्याउने प्याबसनको तयारी छ ।

त्यस्तै, काठमाडौंका नँया बानेश्वर व्यापार व्यवसायी संघका अध्यक्षले रामशरण गिरीले जेठ २१ गतेबाट नयाँ बानेश्वर तथा आसपासका क्षेत्रक व्यापारीलाई आआफ्नो पसल खोल्न अपिल गरेका छन् । लामो समय देखि भएको लकडाउनको कारण व्यापारीको व्ययभार अत्याधिक बढेको भन्दै अब पसल बन्द गर्न नसकिने गिरीको भनाई छ । “प्रधानमन्त्रीले लकडाउन भन्दिए पुग्छ, खेप्नु हामीले पर्छ” गिरी भन्छन् “नेतालाई बसी बसी खानलाई पुग्छ, हामीलाई पुग्दैन।  पसलको बाहल, अनेक थरीका कर, बैंकका बियाज, स्टाफ खर्च आदि पसल बन्द भएपछि कहाँबाट पुर्याउनु ?”
सरकरको लकडाउन लम्बियाउने निर्णयको विरुद्ध आम नागरिकहरु पनि अन्दोलनमा उत्रिन थालेका छन् । समाजिकसंजल मार्फत आमसर्वसाधरणहरु संगठित भई मुलुकका विभिन्न जिल्लाहरुमा सरकारविरुद्ध आन्दोलनमा गर्ने तयारी भईरहेको छ । आईतवार विराटनगरका युवा, उद्योगी, व्यपारी तथा आमसर्वसाधरणहरुले समेत सरकारविरुद्ध आन्दोलनमा उत्रने घोषणा गरिसकेका छन् ।
सरकारको ढिलासुस्ती, वेपर्वा प्रवृतिले गर्दा लकडाउन लम्बीरहेको जनताको बुझाई छ । सरकारले लकडाउनको मोडालिटि फेरीने बारम्बार भन्दै आएतापनि, हालसम्म सरकारको तर्फबाट वैकल्पीक कुनैपनि योजना नआएकोमा आम सार्वसाधरण आक्रोशित छन् ।

कमेन्ट गर्नुहोस्
सम्बन्धित

विराटनगर १२ असार। विराटनगर महानगरपालिकाले मंगलबार आगामी आर्थिक वर्षका लागि ४ अर्ब ४० लाख बराबरको बजेट प्रस्तुत गरेको छ । १६ औं नगरसभामा मंगलबार उपप्रमुख शिल्पा निराला कार्कीले बजेट प्रस्तुत गरेकी हुन् । उपमेयर कार्कीले प्रस्तुत गरेको बजेटमा प्रशासनिक खर्चका लागि ६४ करोड ७५ लाख बजेट विनियोजन गरिएको छ । ऋणको सावाँ ब्याज भुक्तानीका लागि […]

विराटनगर, असार १ । उद्योग संगठन मोरङको अध्यक्ष पदमा नन्दकिशोर राठी निर्विरोध निर्वाचित भएका छन्। शनिबार सम्पन्न निर्वाचनमा राठी  निर्विरोध अध्यक्षमा चुनिएका हुन्। संगठनको ५२ औं साधारणसभा शुक्रबार सम्पन्न भएको थियो। त्यसपछि शनिबार भएको निर्वाचनमा अन्य पदाधिकारीहरू पनि निर्विरोध चुनिएका छन्। निर्वाचित पदाधिकारीहरू वरिष्ठ उपाध्यक्ष: भोलेश्वर दुलाल द्वितीय उपाध्यक्ष: सुरेन्द्र गोल्छा उपाध्यक्ष (कृषि, जलस्रोत, ऊर्जा): […]

भक्तपुर, जेठ ८ । शारीरिक स्फूर्ति, मानसिक सन्तुलन र सौन्दर्यप्रतिको बढ्दो रुचिलाई सम्बोधन गर्दै भिआईपी स्पाले भक्तपुरको राधेराधेमा नयाँ शाखा सुरु गरेको छ। झाक्री प्रकाश भुजेलको प्रमुख आतिथ्यमा शनिबार एक विशेष समारोहका बीच स्पाको विधिवत् उद्घाटन गरिएको हो। उद्घाटनलगत्तै सेवा सुरु भएको स्पामा पहिलो दिनमै उल्लेख्य संख्यामा ग्राहकहरूको घुइँचो देखिएको छ। काठमाडौंको जोरपाटीमा सफलतापूर्वक सञ्चालन […]