विराटनगर, जेठ २१
पाँच महिनादेखि तलब नदिएको भन्दै विराटनगरमा रहेको श्री अस्पतालका कर्मचारीहरुले अस्पतालका संचालक राजेश अग्रवालको घर घेराउ गरेका छन् । सोमबार तलब नपाएको कर्मचारीहरु एकठित भई विराटनगरको बुद्धचौकमा रहेको संचालक अग्रवालको घर घेराउ गरेका हुन् ।
श्री अस्पतालमा हाल स्वास्थ्यकर्मी समेत गरी ४३ कर्मचारी कार्यरत्त छन् । लकडाउनको कारण आर्थिक अवस्था खस्किएकाले कर्मचारीलाई तलब दिन नसकेको संचालक अग्रवालको भनाई छ ।
आर्को तिर विगतका पाँच महिनादेखि कसैले पनि तलब नपाएकाे कर्मचारीहरुको गुनासो छ । अस्पतालले लकडाउनभन्दा तिन महिना अघिबाट नै तलब दिन छोडेको बताउदै पिडित कर्मचारीहरुले यो अस्पतालको बाध्यता भन्दा दमन गर्ने रणनिति भएको बताएका छन् ।
अग्रवालको मास्क कालोबजारी काण्ड
यीनै, श्री अस्पतालका संचालक राजेश अग्रवाललाई भर्खरै मात्र मास्क कालोबजारी गरेको कसुरमा वाणिज्य मोरङले ३ लाख जारिवाना गराएको थियो । चैत ९ गते, विराटनगरमै अग्रवालले संचालन गरेको श्री सर्जी इम्पेक्सबाट लुकाएर राखेको अवस्थामा ११ हजार ३ सय ५० पिस मास्क सरकारी अनुगमन टोलीले भेट्टाएपछि अग्रवाललाई जरिवाना गराईएको थियो ।
तर कानुनअनुसार अतिआवश्यक समान जम्माखोरी गर्नेलाई १० लाखसम्म जरिवाना र १ वर्षसम्म कैद वा दुवै हुने प्रावधान छ । उक्त मुद्दा हेर्ने अधिकार प्रमुख जिल्ला अधिकारी (प्रजिअ) मा निहित छ तर कानुन अनुसार मोरङका प्रजिअले अग्रवाललाई हालसम्म दण्डित गर्न सकेका छैनन् ।
अग्रवालको पृष्ठिभुमि ( स्रोतका अनुसार )
करिब १५ वर्षअघि श्री सर्जी इम्पेक्स संचालनमा ल्याएसगै राजेश अग्रवालको भाग्य उदय भएको थियो । (१५ वर्षअघि) तत्कालिन समयमा सर्जिकल सामान बच्ने अरु कोही व्यापारी नभएकाले पुर्वक्षेत्रमा श्रीसर्जीको एक छत्र राज थियो ।
व्यापारमा एकछत्र राज भएकाले उही बेलादेखि नै सार्जिकल समानहरुको अधिक्तम मुल्य वृद्धि गरेर अग्रवालले अकुत अवैध धन आर्जन गरिरहेका थिए । ५/७ वर्षपछि सर्जिकल क्षेत्रमा अन्य प्रतिस्प्रधिहरु समेत बजारमा उत्रिएपछि अग्रवालको कालोधन्धाका बिस्तारै आरालो लाग्दै ठप्प नै भयो ।
अग्रवालको कालोधन्धा ठप्प भएपनि उनको कालो नियत भने कहिले पनि अन्त्य भएन । त्यसलगतै उनले पुर्वका सरकारी अस्पातलहरुमा कर्मचारीसँग सेटिङ गरी श्री सर्जीमार्फत सर्जिकल समानहरु पठाउन थाले । उनले सरकारी अस्पतालमा समेत लामो समयसम्म महंगोमा समान दिएर अकुत अवैध आर्जन गरे ।
राजेश अग्रवालले ति अवैध धनले विराटनगरमै श्री अस्पताल खोले । भनिन्छ नि, हरामको कमाईले कहिले आराम दिदैन । त्यस्तै नै भयो राजेश अग्रवालसँग पनि । उनले संचालन गरेको श्री अस्पताल विराटनगरमा खासै जम्न सकेन । र अस्पताल विस्तारै घाटमा जान थाल्यो ।
विरामीहरुसँग मनोमानी पैशा असुलन र अस्पतालमा आउने लफडाहरु मिलाउन अग्रवालले केही राजनितिक पृष्ठभुमी भएका गुण्डाहरु समेत अस्तालमा खटाएका थिए । अस्पतालमा परिचित डाक्टरहरु नियुक्त गर्नुपर्ने ठाँउमा गुण्डाहरु नियुक्त गरेपछि, स्थानीय स्थरमा अस्पताल बदनाम बन्दै गयो ।
अस्पताल चल्न छोडेपछि, अग्रवालले कोभिड १९को बेला पैशा कमाउने नँया जुक्ति निकाले । उनले ठुलो मात्रामा माक्स र सेनिटाईजरलाई स्टकमा राखी अभावको वेला पाँच गुणासम्म महंगोमा बेचेर कालोबाजरी गर्न थाले । मक्सको कोलोबाजरी गर्ने शिलशिलामै अग्रवाल चैत ९ गते ११ हजार थान मास्कसहित पक्राउ समेत परेका थिए । उक्त माक्स उनैले संचालन गरेको श्री सर्जि इम्पेक्सबाट भेट्टिएको थियो । अन्य गोप्य गोदामहरु समेत अग्रवालले अहिले पनि ठुलो मात्रामा माक्स स्टकमा राखेको स्रोत दावी गर्दछ ।
