विराटनगर, जेठ ३१
कोभिड १९को संक्रमण फैलिरहेको बेला गाँउलाई किटानु मुक्त बनाउन मोरंग जिल्लाको ग्रामथान गाउँपालिकामा सरसफाई अभियान सँचालन गरिएको छ । ग्रामथान गाउँ पालिका वडा नम्बर १ का वडा अध्यक्ष नमनारायण माझीको अगुवाईमा उक्त कार्यक्रम संचालन भएको हो । वडाध्यक्ष माझी स्वयम झाठु कुचो तथा सरसफाईका क्यामिकल लिएर सडकमा उत्रिएपछि, अध्यक्षलाइ सघाउन स्थानीयवासीहरु समेत सरसाफई अभियानमा सरिक भएका थिए ।
विश्वब्यापी रूपमा फैलिएको कोभिड १९ का कारण सरकारले लकडाउन गरेपछि वडा स्तरीय सवै जनचेतनामूलक कार्यक्रम समेत बन्द भएको जानकारी दिदै वडा अध्यक्ष माझीले सरकारले शुक्रबारदेखि लकडाउन खुकुलो बनाएसँगै स्वतस्फूर्त वडावासीको सहभागीतामा आआफ्नो टोल सफाइ अभियान सँचालन गरेको जानकारी दिनु भयो । अहिलेको लकडाउनबाट गाउँ पालिकावाट सँचालन हुने धेरै कार्यक्रम प्रभावित बन्न पुगेकाले केही खुकुलो भएपछि अब निर्वाद रूपमा सामाजिक दुरी कायम गर्दै घोषित कार्यक्रम सँचालन गर्ने जानकारी पनि वडा अध्यक्ष माझीले दिनु भएको छ ।
