काठमाडौँ , श्रावण १६
हुन्डीबाट रकम नेपाल भित्र्याएको आरोपमा राजस्व अनुसन्धान विभागले बुधबार मनोज भेटवालसहित ४ जनाविरुद्ध काठमाडौं जिल्ला अदालतमा मुद्दा दायर गरेको छ । मानोज भेटवालद्धारा संचालित जलेश्वर स्वच्छन्द बिकोई बिल्डर्स प्रालिले पुरानो बसपार्कमा निर्माण थालेको २९ तले ‘काठमाडौं भ्यु टावर’ मा उक्त रकम प्रयोग भएको समेत आशंका गरिएको छ ।
विभागले उनीहरूसँग ४ करोड ६० लाख रुपैयाँका दरले बिगो अनि त्यसको ३ गुणा सजाय र तीन वर्ष कैद सजायको मागदाबी गरेको छ । त्यससगै नेपालमा बरामद भएको ४ करोड ६० लाख जफतसमेत हुनुपर्ने समेत विभागले मागदाबी छ ।
विभागका अनुसार निशा गुरुङले काठमाडौं भ्यु टावर निर्माणका लागी सिंगापुरमा विभिन्न व्यक्तिसँग ठुलो रकम संकलन गरेकी थिईन् । उक्त संकलित रकम गैरकानुनी रूपमा हुन्डीबाट नेपाल भित्र्याएको विभागको आरोप छ । उक्त रकम प्रयोग गर्न राजकुमार विष्ट र शिव विष्टले भेटवाललाई सहयोग गरेको विभागको आरोप छ ।