विराटनगर, साउन २६
विराटनगर ९ स्थित गुद्री बजार लगाएत आसपासको क्षेत्र सिल गरिएको छ । उक्त क्षेत्रमा आईतवार एकै परिवारको ११ जनामा कोराना पुष्टि भएपछि जिल्ला सुरक्षा समिति मोरङको बैठकलले सो क्षेत्र सिल गर्ने निर्णय गरेको हो ।
मेनरोडको ट्राफिक चौकदेखि जलजला चौक, जलजला चौक देखि शनि मन्दिर, शनि मन्दिर देखि मेहेन्द्र चौक र महेन्द्र चौक देखी ट्राफिक चोक बिचको क्षेत्रलाई पुर्ण रुपमा सिल गरिएको छ । उक्त क्षेत्रमा आवतजावत पुर्ण रुपमा रोक लगाईएको प्रसाशनले जनाकारी दिइएको छ ।
समितिको निर्णय अनुसार प्रशासनले आइतबार राती १० बजेदेखि ७२ घण्टा (तीन दिन)सम्मका लागि गुद्री प्रवेश गर्ने सबै मार्गमा सिल गरेको छ । त्यस क्षेत्रका नागरिकलाई बाहिर ३ दिनसम्म घरबाट ननिस्कन सुचना समेत दिईएको छ ।
गुद्री बजार क्षेत्रमा हालसम्म २५ जना भन्दा धेरै संक्रमित फेला परिसकेको छन् ।
