विराटनगर, भदौ ११

याे समाचार सच्चाईएकाे छ ।
विराटनगरको कोभिड अस्पतालको लागी ल्याईएको पिसिआर मेसिन खरिदमा व्यापक आर्थिक चलखेल भएको पाईएको छ । ट्रष्टमार्फत विराटनगरको कोभिड अस्पताललाई दिईन लागिएको उक्त मेसिन खरिदमा १५ ८ लाखभन्दा बढीको घपला भएको बुझिएको छ ।
पिसिआर मेसिन खरिदको जिम्मा पाएको जेएचएस एनेलाईटि टेड्रर्सले ~~साँढे १२~~ २० लाख नेपाली रुपैयाँ पर्ने पिसिआर मेसनलाई २८ लाखमा ट्रष्टलाई बिक्रि गरेको पाईएको छ । उक्त पिसिआर मेसिनका उत्पादक काईजेन कम्पनीले नेपालको लागी सो पिसिआर मेसिनको मुल्य २० लाख मात्र तोकेको छ । तर जेएचएस एनेलाईटि टेड्रर्सले सो मेसिनमा ८ लाख नाफा खाएपछि फर्मको उक्त सो कार्यले कलोबजारी ऐन समेत आर्कषित भएको छ । उक्त टेड्रर्सका संचालक उद्योगी प्रदिप मुरारकाका छोरा शिरिस मुरारका रहेको बुझिएको छ ।

सो पिसिआर मेसिन खरिदको लागी विराटनगर महानगरपालिकाका प्रमुख (मेयर) भिम पराजुलीकोे अगुवाहीमा एक ट्रष्टको निर्माण गरी विराटनगरका सार्वसाधरण देखी व्यापारीसँग चँन्दा संकलन गरी मेसिन किन्ने रकमको व्यवस्था गरिएको थियो ।

तपाईको प्रतिक्रिया