बिराटनगर, माघ २४
एल पि ग्याँस विक्रेता संघ मोरङको अध्यक्षमा गणेश साह सर्वसम्मत रुपमा चयन भएका छन् । शुक्रबार विराटनगरमा सम्पन्न भएको संघको १३ औं अधिवेशनले साहको नेतृत्वमा २१ सदस्यीय कार्यसमिति सर्वसम्मत रुपमा चयन गरेको हो ।
अधिवेशनले वरिष्ठ उपाध्यक्षमा सुनिल बोहरा, प्रथम उपाध्यक्षमा दीपेन्द्र श्रेष्ठ, द्वितीय उपाध्यक्षमा कल्पना गौतम , सचिवमा सुधिर यादवर सहसचिव सुमन खरेल र कोषाध्यक्षमा सुनिता सिग्देललाई छनोट गरेको छ ।
अधिवेशनलाई सफल बनाउन ग्याँस बिक्रेता महासंघको केन्द्रबाट अध्यक्ष महेश्वर श्रेष्ठ र सदस्य चिरञ्जीवि अधिकारीले सहभागिता जनाएका थिए ।
कार्यक्रममा बेल्दै संघका नवनिर्वाचित अध्यक्ष गणेश साहले जिल्लामा भईरहेको अनाधिकृत ग्याँस बिक्री वितरणको कार्यलाई नियन्त्रण गर्न आफ्नो नेतृत्व आक्रमक भएर लागी पर्ने उद्धघोष गरे । अनाधिकृत बिक्रेताका कारण कालोबजारी बढ्दै गएको जिकिर गर्दै अध्यक्ष साहले आफ्नो नेतृत्वले व्यबसायमा शुद्धीकरणको अभियानको समेत सुचारु गर्ने बताए ।
त्यस्तै कार्यक्रममा बेल्दै संघका केन्द्रीय अध्यक्ष महेश्वर श्रेष्ठले अनाधिकृत बिक्रेता दशैभरी छ्यापछ्याप्ती रहेको भन्दै त्यस्ता बिक्रेताको पहिचान गर्न संघका सबै जिल्लाका नेतृत्वलाई निर्देशन दिए । ग्यास सुरक्षाबारे ज्ञान र तालिम नभएका अनाधिकृत बिक्रेताको कारण उपोभोक्ताको घर र चुलोमा समेत सुरक्षा चुनौती समेत बढीरहेको कार्यक्रमा अध्यक्ष श्रेष्ठले औलाए ।
