विराटनगर, माघ २४
नेपाली सेनाको उपसेनानी हुँ भन्दै ठगी हिड्ने एक व्यक्तीलाई प्रहरीले सुनसरीको ईटहरीबाट पक्राउ गरेको छ । पक्राउ पर्ने व्यक्ति पर्सा जिल्ला ठोरी गाउँपालिका ५ का २८ वर्षीय शिवजंग कार्की रहेको प्रहरीले जनाएको छ । उनलाई विभिन्न व्यक्तिबाट ११ लाख बढी रकम ठगी गरेको आरोप छ ।
कार्कीलाई बुधवार इटहरी–६ स्थित सामुदायिक अस्पताल अगाडि नेपाली सेनाको पोसाक लगाएको अवस्थामा प्रहरीले पक्राउ गरेको हो । उनले सर्वसाधरण व्यक्तिहरुलाई आफू नेपाली सेनाको उपसेनानी हु भन्दै विभिन्न बाहानामा पैशा ठग्दै लिने गरेको प्रहरीको भनाई छ ।
विभिन्न व्यक्तिबाट ११ लाख बढी रकम ठगी गरेको आरेपमा पर्सा जिल्ला ठोरी गाउँपालिका–५ का २८ वर्षीय शिवजंग कार्की भन्ने शिवकुमार कार्कीलाई प्रहरीले पक्राउ गरेको हो । कार्कीले आफु नेपाली सेनाको उपसेनानी हुँ भदै सर्वसाधारण व्यक्तिहरुलाई ‘रेड मर्करी’ को व्यापार गर्दा फाइदा हुन्छ भनेर प्रलोभनमा पारी ठगी गर्दै आएको प्रहरीले जनाएको छ ।
कार्कीको साथबाट नगद ३३ हजार चार सय पचास, विभिन्न बैकका एटीम कार्ड, आईएमई गरेका रसिदहरु, विभिन्न कम्पनिका ४ थान मोबाइल सेटसमेत फेला परेको थियो । उनको बिरुद्धमा ठगी मुद्दा शीर्षकमा सुनसरी जिल्ला अदालतवाट म्याद थप गरी थप अनुसन्धान कार्य भैरहेको सुनसरी प्रहरीले जनाएको छ । कार्कीलाई सहयोग गर्ने अर्का व्यक्ती सिन्धुली दुधौली नगरपालिका–८ का ३८ वर्षीय बसन्तकुमार खड्कालाई पनी पक्राउ गरी आवश्यक कानुनी प्रक्रिया बढाइएको प्रहरीले जनाएको छ ।
