विराटनगर, माघ २४
विराटनगर नाकाबाट यस आर्थिक वर्षमा ३ गुणा बढी भटमासको तेल भारत तर्फ निर्यात भएको छ । गत आर्थिक बर्ष र यस आर्थिक बर्षको दोस्रो त्रैमासिक बिवरण तुलना गर्दा निर्यात ३ गुणा बढोको पाइएको हो ।
विराटनगर भन्सार कार्यालयलका अनूसार गत आर्थिक वष २०७६–७७ को पुस मसान्तसम्ममा १ अर्ब ५२ करोड ७० लाख मूल्यको ११ हजार ९ सय ४८ मेट्रिक टन भटमासको तेल निर्यात भएको थियो भने यस आर्थिक२०७७–७८ वर्षको पुस मसान्तसम्ममा ४ अर्ब ८५ करोड ४० लाख रुपैयाँ मूल्यको ३३ हजार २ सय ५३ मेट्रिक टन भटमासको तेल भारत निर्यात भएको छ ।
आव २०७५–७६ मा अझ कम ८४ करोढ ८६ लाख मूल्यको ८ हजार ३ सय ३१ मेट्रिक टन मात्र भटमासको तेल भारततर्फ गएको तथ्याङ्क भन्सार कार्यालयले दिएको छ ।
भारत सरकारले गत वर्षदेखि नेपालबाट जाने पाम तेलमा रोक लगाएपछि उद्योगीहरू भटमासको तेलको निर्यातमा गर्न थालेका हुन् । नेपालमा भटमासको कच्चा तेल अर्जेन्टिना, युक्रेन र ब्राजिलबाट आयत गरिन्छ । विराटनगर नाकाबाट भटमासको तेल निकासी गर्ने उद्योगमा केएल दुगडको स्वस्तिक आयल, प्रकाश मुन्दडाको बाबा भेजिटेबल, घनश्याम काबराको क्वालिटी आयल, देवकीनन्दन अग्रवालको वाग्मती आयल, प्रदीप मुरारकाको श्रीराम रिफाइनरी र अविनाश बोहराको एभरेस्ट सोलभेन्ट र सारडा ग्रुपको पशुपति आयल गरि सातवटा रहेका छन् ।
